ຄຳສອນຂອງທ່ານ ພູມີ ວົງວິຈິດ ອະດີດຮັກສາການປະທານປະເທດ ແຫ່ງສປປ ລາວ #ຂ່າວຮູບພາບລາວພັດທະນາ #ຄະຕິເຕືອນໃຈ

5 ມາດຕະການແກ້ໄຂ ອັດຕາແລກປ່ຽນ ຕາມຄຳສັ່ງເລກທີ 10 ຂອງທ່ານາຍົກລັດຖະມົນຕີ ລາຍລະອຽດທີ່ລິ້ງ> https://www.facebook.com/100069114146960/videos/3648401092150208 #ຂ່າວຮູບພາບລາວພັດທະນາ #ຄຳສັ່ງເລກທີ13ນຍ #ການແກ້ໄຂອັດຕາແລກປ່ຽນ

ເຕືອນການສັນຈອນ!! ເສັ້ນທາງເລກທີ 13 ເໜືອ ເຂດເມືອງກາສີ ລົດໜັກແມ່ນບໍ່ສາມາດສັນຈອນໄປມາໄດ້. ສະພາບເສັ້ນທາງເລກທີ 13 ເໜືອ ວັນທີ 28 ສິງຫາ 2023, ຢູ່ເຂດບ້ານແກ່ວກວ້າງ, ເມືອງກາສີ, ແຂວງວຽງຈັນ ທີ່ກ່ອນໜ້ານີ້ເກີດດິນເຈື່ອນທັບຖົມໜ້າທາງ ເຮັດໃຫ້ສັນຈອນໄປ-ມາບໍ່ໄດ້. ປັດຈຸບັນພາກສ່ວນກ່ຽວຂ້ອງລົງແກ້ໄຂແລ້ວ ລົດເບົາແມ່ນສາມາດສັນຈອນໄປ-ມາໄດ້ ສ່ວນລົດໜັກແມ່ນບໍ່ສາມາດສັນຈອນຜ່ານເສັ້ນທາງດັ່ງກ່າວໄດ້. ດັ່ງນັ້ນ ທ່ານໃດທີ່ນຳໃຊ້ເສັ້ນທາງດັ່ງກ່າວ ຖ້າບໍ່ຈຳເປັນໃຫ້ ຫລີກລ່ຽງ ຫລືນຳໃຊ້ເສັ້ນທາງອື່ນຊົ່ວຄາວ ເພາະພາກສ່ວນຮັບຜິດຊອບກຳລັງສືບຕໍ່ສ້ອມແປງ ແລະ ແກ້ໄຂໃຫ້ກັບມານຳໃຊ້ໄດ້ໃນໄວໆນີ້. ຂໍ້ມູນ: ກົມຕຳຫລວດຈະລາຈອນ #ຂ່າວຮູບພາບລາວພັດທະນາ #ເຫດການ #ການສັນຈອນ

ເລີ່ມຕົ້ນຈາກການຊື່ສັດກັບຕົວເອງ ແລະ​ ເປັນຕົວ​ຂອງຕົວເອງ​ #ລາວພັດທະນາ #ຄະຕິເຕືອນໃຈ

ວັນທີ 19 ສິງຫາ 2023, ລັດຖະບານຍີ່ປຸ່ນ ໄດ້ໃຫ້ທຶນຊ່ວຍເຫລືອສະໜັບສະໜູນໂຄງການກໍ່ສ້າງໂຮງຮຽນປະຖົມສົມບູນ ບ້ານກາງ ເມືອງພຽງ ແຂວງໄຊຍະບູລີ ລວມມູນຄ່າ ປະມານ 62.000 ໂດລາສະຫະລັດ (ປະມານ 1,19 ຕື້ກີບ), ເຊິ່ງຕາງໜ້າເຊັນສັນຍາ ລະຫວ່າງ ທ່ານ ບຸນທະວີ ຊົງເຮີ ຫົວໜ້າຫ້ອງການສຶກສາທິການ ແລະ ກິລາເມືອງພຽງ ແລະ ທ່ານ ໂຄບະຢະຊິ ເຄັນອິຈິ ເອກອັກຄະຣາຊາທູດຍີ່ປຸ່ນ ປະຈໍາ ສປປ ລາວ. ທ່ານ ໂຄບະຢະຊິ ເຄັນອິຈິ ກ່າວວ່າ: ລັດຖະບານຍີ່ປຸ່ນ ໄດ້ໃຫ້ທຶນສະໜັບສະໜູນໃນການກໍ່ສ້າງອາຄານໃໝ່, ຫ້ອງນໍ້າ ແລະ ມອບອຸປະກອນທີ່ຈໍາເປັນໃຫ້ແກ່ໂຮງຮຽນບ້ານກາງ, ໂຮງຮຽນປະຖົມສົມບູນ ບ້ານກາງຫລັງເກົ່າ ມີອາຄານຢູ່ 2 ຫລັງ, ໃນນັ້ນ 1 ຫລັງ ແມ່ນໃຊ້ວັດສະດຸເກົ່ານໍາມາກໍ່ສ້າງຄືນໃໝ່ ເຮັດໃຫ້ອາຄານບໍ່ແໜ້ນໜາ ແລະ ຕົວອາຄານ ຮຽນກໍມີຄວາມຊຸດໂຊມຫລາຍ ລວມທັງ ໂຕະຕັ່ງກໍເຊັ່ນດຽວກັນ, ຈຶ່ງຈຳເປັນຄວນແກ້ໃຫ້ວ່ອງໄວ, ເພື່ອຊ່ວຍເຮັດໃຫ້ສະພາບແວດລ້ອມການສຶກສາຂອງນັກຮຽນ, ການເຮັດວຽກຂອງຄູອາຈານຜູ້ສິດສອນ ແລະ ປັບປຸງສຸຂະອານາໄມຂອງໂຮງຮຽນໃຫ້ດີຍິ່ງຂຶ້ນ. #ຂ່າວພາຍໃນລາວພັດທະນາ #ຍີ່ປຸ່ນ #ໃຫ້ທຶນຊ່ວຍເຫລືອ #ກໍ່ສ້າງໂຮງຮຽນ _______@_______ ສະໜັບສະໜູນຂ່າວໂດຍ: ບໍລິສັດ ອາລີອັນສ ປະກັນໄພລາວ ໂທ: 021 215 903 ທະນາຄານພັດທະນາລາວ 021 213 300 _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088

ວັນທີ 14 ສິງຫາ 2023, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ພ້ອມຄະນະ ໄດ້ເດີນທາງໄປເຂົ້າຮ່ວມງານວາງສະແດງ ຈີນ-ອາຊີໃຕ້ ຄັ້ງທີ 7 ແລະ ງານວາງສະແດງການນໍາເຂົ້າ-ສົ່ງອອກ ສິນຄ້າຈີນ ຄັ້ງທີ 27 ທີ່ນະຄອນຄຸນໝິງ ແຂວງຢຸນນານ ສປ ຈີນ ທີ່ດຳເນີໄປແຕ່ວັນທີ 14-17 ສິງຫາ 2023. ງານວາງສະແດງດັ່ງກ່າວ, ເປັນເວທີໃນການເຄື່ອນໄຫວຮ່ວມມືວຽກງານການທູດຫລາຍຝ່າຍ, ການຮ່ວມມືດ້ານເສດຖະກິດ, ການຄ້າ ແລະ ການແລກປ່ຽນໄປມາຫາສູ່ກັນ ລະຫວ່າງປະຊາຊົນຂອງ ສປ ຈີນ, ອາຊີໃຕ້, ອາຊີຕາເວັນອອກສ່ຽງໃຕ້ ແລະ ພາກພື້ນອື່ນໆ, ນອກນີ້ຍັງຈະມີກິດຈະກຳສຳຄັນຕ່າງໆປິ່ນອ້ອມຫລາຍກວ່າ 10 ກິດຈະກໍາ, ເປັນຕົ້ນ ເວທີປຶກສາຫາລືການຮ່ວມມື ຈີນ-ອາຊີໃຕ້ ຄັ້ງທີ 4, ເວທີປຶກສາຫາລືເຈົ້າແຂວງຕາມແລວເສດຖະກິດປະເທດອະນຸພາກພື້ນແມ່ນໍ້າຂອງ ປີ 2023, ເວທີປຶກສາຫາລືພາກທຸລະກິດ ຈີນ-ອາຊີໃຕ້ ຄັ້ງທີ 16, ເວທີປຶກສາຫາລືດ້ານການຖ່າຍໂອນເຕັກໂນໂລຊີ ແລະ ການຮ່ວມມືດ້ານນະວັດຕະກຳ ຈີນ-ອາຊີໃຕ້ ຄັ້ງທີ 4, ສັບປະດາສິລະປະຈີນ-ອາຊີໃຕ້ ແລະ ອາຊີຕາເວັນອອກສ່ຽງໃຕ້ ແລະ ອື່ນໆ. ການເຂົ້າຮ່ວມງານວາງສະແດງໃນຄັ້ງນີ້, ສປ ຈີນ ໄດ້ໃຫ້ຄວາມສຳຄັນແກ່ ສປປ ລາວ ໃນຖານະປະເທດເພື່ອນມິດ ແລະ ຖືເປັນໂອກາດອັນດີ ໃຫ້ແກ່ການສົ່ງເສີມສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ແຂວງຢຸນນ່ານ ກໍຄື ສປ ຈີນ ໃນຂົງເຂດເສດຖະກິດ-ການຄ້າ, ການລົງທຶນ ແລະ ອື່ນໆ ໃຫ້ເລິກເຊິ່ງຍິ່ງໆຂຶ້ນ. ແຂວງຢຸນນານ ສປປ ຈີນ ເຄີຍມີມູນເຊື້ອການພົວພັນຮ່ວມມືທີ່ດີກັບ ສປປ ລາວ ແລະ ໄດ້ຊ່ວຍຊຸກຍູ້ສົ່ງເສີມໃຫ້ນັກທຸລະກິດຂອງແຂວງມາລົງທຶນ ຢູ່ ສປປ ລາວ ຫລາຍດ້ານ ເປັນຕົ້ນການລົງທຶນກໍ່ສ້າງເສັ້ນທາງດ່ວນ ວຽງຈັນ-ວັງວຽງ, ເຂດເສດຖະກິດກວມລວມໄຊເສດຖາ, ການລົງທຶນດ້ານກະສິກຳຂອງແຂວງຢຸນນານ ຢູ່ ສປປ ລາວ ລວມທັງເຂດເສດຖະກິດບໍ່ເຕັນ-ບໍ່ຫານ ແລະ ອື່ນໆ. ນອກນັ້ນ, ຍັງໄດ້ຊ່ວຍເຫລືອສ້າງບຸກຄະລາກອນໃຫ້ແກ່ ສປປ ລາວ ສະໜອງທຶນການສຶກສາໃຫ້ນັກສຶກສາລາວ ໄປສຶກສາຢູ່ແຂວງຢຸນນານ ເຊິ່ງເປັນການປະກອບສ່ວນ ສຳຄັນ ເຂົ້າໃນການຈັດຕັ້ງປະຕິບັດແຜນການພັດທະນາ ເສດຖະກິດ-ສັງຄົມ ຂອງ ສປປ ລາວ. ຂ່າວ: ຂປລ #ຂ່າວພາຍໃນລາວພັດທະນາ #ຮອງປະທານປະເທດ #ງານວາງສະແດງຈີນ_ອາຊີໃຕ້ ______@_______ ສະໜັບສະໜູນຂ່າວໂດຍ: ນໍ້າດື່ມຫົວເສືອ ນໍ້າດື່ມຄຸນນະພາບ _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088

ປິດການສັນຈອນ! ເສັ້ນທາງໂນນແສງຈັນ-ດົງບອງ ວັນທີ 13 ສິງຫາ 2023 ນີ້ ປິດການສັນຈອນ ເສັ້ນທາງບ້ານໂນນແສງຈັນ ເມືອງໄຊທານີ ຫາ ດົງບອງ ເມືອງນາຊາຍທອງ ນະຄອນຫລວງວຽງຈັນ ລົດທຸກຊະນິດບໍ່ສາມາດສັນຈອນໄປ-ມາໄດ້. ຖ້າຫາກທ່ານໃດມີຈຸດປະສົງຈະໃຊ້ເສັ້ນທາງດັ່ງກ່າວຂໍໃຫ້ຫລີກລ່ຽງເພື່ອບໍ່ເປັນການເສຍເວລາ ແລະ ເພື່ອຄວາມປອດໄພຂອງທ່ານເອງ. ພາບ: Khamhack Thanuxanh #ຂ່າວເຫດການລາວພັດທະນາ #ປິດການສັນຈອນ #ເສັ້ນທາງຫ້ວຍເຕີຍ-ດົງບອງ

(ໂອກາດວັນສື່ມວນຊົນ ແລະ ພິມຈຳໜ່າຍ ຄົບຮອບ 73 ປີ 13/8/1950 – 13/8/2023) ວຽກງານຖະແຫຼງຂ່າວ-ສື່ມວນຊົນ ມີບົດບາດສຳຄັນຢ່າງຍິ່ງ ເປັນພາຫະນະທີ່ສຳຄັນໃນການເຂົ້າເຖິງ ແລະ ຫັນປ່ຽນສະພາບແນວຄິດດັ້ງເດີມຂອງປະຊາຊົນ ແລະ ຕ້ານກົນອຸບາຍອັນເລິກແລບຂອງອິດທິກຳລັງປໍລະປັກ; ພ້ອມນັ້ນ ຍັງມີບົດບາດໃນການສຶກສາ ອົບຮົມແນວຄິດ, ເຕົ້າໂຮມຄວາມສາມັກຄີປອງດອງ, ເສີມຂະຫຍາຍປະຊາທິປະໄຕ, ສ້າງທັດສະນະຫຼັກໝັ້ນ ແລະ ຄວາມເຊື່ອໝັ້ນຕໍ່ອຸດົມຄະຕິ ແລະ ການນຳພາຂອງພັກ, ໂຄສະນາປຸກລະດົມປະຊາຊົນ ບັນດຳເຜົ່າເຂົ້າຮ່ວມການປະຕິວັດຊາດປະຊາທິປະໄຕ ແລະ ພາລະກິດປົກປັກຮັກສາ ແລະສ້າງສາພັດທະນາປະເທດຊາດ ກໍຄືປຸກລະດົມຂົນຂວາຍປະຊາຊົນເຂົ້າຮ່ວມກນພັດທະນາເສດຖະກິດ-ສັງຄົມຂອງປະເທດເຮົາ, ຫັນປ່ຽນເສດຖະກິດທຳມະຊາດເປັນເສດຖະກິດສິນຄ້າ, ປຸກລະດົມທົ່ວປວງຊົນເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ, ດຶງດູດເອົາການຮ່ວມມື, ການຊ່ວຍເຫຼືອ ແລະ ລົງທຶນຈາກຕ່າງປະເທດ, ປະທານໄກສອນພົມວິຫານໄດ້ຖືສຳຄັນ ແລະ ໃຫ້ທິດຊີ້ນຳວຽກງານ ໂຄສະນາຖະແຫຼງຂ່າວມາໂດຍຕະຫຼອດ ຈົນເຮັດໃຫ້ວຽກງານນີ້ກາຍເປັນວຽກທີ່ສຳຄັນແລະມີທີ່ຕັ້ງຢູ່ແຖວໜ້າຂອງເຄື່ອງມືວຽກງານແນວຄິດ ຊຶ່ງເນື້ອໃນແນວຄິດໄກສອນ ພົມວິຫານ ກ່ຽວກັບວຽກງານຖະແຫຼງຂ່າວ ສະແດງອອກ 6 ດ້ານ ແຕ່ລະດ້ານນັ້ນແມ່ນມີຄວາມແຕກຕ່າງກັນໄປຕາມແຕ່ລະໄລຍະຢ່າງຈະແຈ້ງເປັນຕົ້ນ: - ແນວຄິດໄກສອນ ພົມວິຫານ ກ່ຽວກັບວຽກງານໂຄສະນາ ໃນສະໄໝຕໍ່ສູ້ກູ້ຊາດຕ້ານ ຈັກກະພັດຜູ້ຮຸກຮານ - ແນວຄິດໄກສອນ ພົມວິຫານ ກ່ຽວກັບວຽກງານໂຄສະນາ, ຖະແຫຼງຂ່າວ ແລະ ສື່ມວນຊົນ ໃນໄລຍະປົກປັກສາ ແລະ ສ້າງສາປະເທດຊາດ. - ແນວຄິດໄກສອນ ພົມວິຫານ ກ່ຽວກັບການກໍ່ສ້າງຖັນແຖວພະນັກງານຖະແຫຼງຂ່າວ. - ແນວຄິດໄກສອນ ພົມວິຫານ ກ່ຽວກັບວິທີຜະລິດເນື້ອໃນໂຄສະນາ. - ແນວຄິດ ໄກສອນ ພົມວິຫານ ກ່ຽວກັບການນຳພຳ-ຊີ້ນຳ ຂອງພັກຕໍ່ວຽກງານສື່ມວນຊົນ. - ແນວຄິດໄກສອນ ພົມວິຫານ ກ່ຽວກັບການນຳໃຊ້ພາຫະນະທັນສະໄໝເຂົ້າໃນວຽກງານໂຄສະນາ #ບົດຄວາມລາວພັດທະນາ #ຜາຕຸງ #ວັນສື່ມວນຊົນ ______@_______ ສະໜັບສະໜູນຂ່າວໂດຍ: ນໍ້າດື່ມຫົວເສືອ ນໍ້າດື່ມຄຸນນະພາບ

ວັນທີ 12 ສິງຫາ 2023, ທ່ານ ສອນໄຊ ສີພັນດອນ ນາຍົກລັດຖະມົນຕີ, ພ້ອມດ້ວຍຄະນະ ໄດ້ເຄື່ອນໄຫວຕິດຕາມຊຸກຍູ້ກວດກາສະພາບຜົນກະທົບຈາກໄພນໍ້າຖ້ວມ ແລະ ຕິດຕາມຊຸກຍູ້ຄະນະສະເພາະກິດການແກ້ໄຂບັນຫາເຄັງຮ້ອນດ້ານເສດຖະກິດການເງິນ ຢູ່ແຂວງຄໍາມ່ວນ. ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ລາຍງານສະພາບການພັດທະນາເສດຖະກິດ-ສັງຄົມຂອງແຂວງ ໂດຍສະເພາະວຽກງານພົ້ນເດັ່ນໄລຍະ 6 ເດືອນຕົ້ນປີ ແລະ ສະພາບນໍ້າຖ້ວມ ຕະຫລອດເຖິງຜົນເສຍຫາຍໃນທົ່ວແຂວງ ເຊິ່ງນັບແຕ່ທ້າຍເດືອນ ກໍລະກົດ 2023 ມາຮອດປັດຈຸບັນ ເກີດມີຝົນຕົກໜັກຕິດຕໍ່ກັນຫລາຍວັນເຮັດໃຫ້ລະດັບນໍ້າຕາມສາຂາຕ່າງໆ ມີການເພີ່ມຂຶ້ນຢ່າງໄວວາ, ເຮັດໃຫ້ມີສະພາບດິນເຈື່ອນ, ນ້ຳຖ້ວມຊຸ, ນ້ຳຖ້ວມຍື່ງ ເຊິ່ງໄດ້ສົ່ງຜົນກະທົບເສຍຫາຍຢ່າງຫລວງຫລາຍໃນ 10 ຕົວເມືອງທົ່ວແຂວງ, ເຊິ່ງບ້ານທີ່ໄດ້ຮັບຜົນກະທົບທັງໝົດ 123 ບ້ານ; 6.027 ຄອບຄົວ ແລະ ມີເນື້ອທີ່ນາ, ເນື້ອທີ່ສວນ ແລະ ເນື້ອທີ່ປູກພຶດຕ່າງໆ ຖືກນໍ້າຖ້ວມ 11.394,17 ເຮັກຕາ. ເລົ້າເຂົ້າ, ກົງເຕີໄຟຟ້າ, ພາຫະນະ ຖືກນໍ້າຖ້ວມ, ພື້ນຖານໂຄງລ່າງຈຳນວນໜຶ່ງຖືກເສຍຫາຍຈາກດິນເຊາະເຈື່ອນ, ພ້ອມນັ້ນກໍມີສັດລ້ຽງຂອງປະຊາຊົນທີ່ລົ້ມຕາຍ ແລະ ສູນຫາຍເປັນຈຳນວນຫລວງຫລາຍ ມາຮອດປັດຈຸບັນເຫັນວ່າສະພາບນ້ຳມີທ່າອ່ຽງຫລຸດລົງ. ໂອກາດນີ້, ທ່ານ ນາຍົກລັດຖະມົນຕີ ໃນນາມຕາງໜ້າລັດຖະບານໄດ້ສະແດງຄວາມເປັນຫ່ວງເປັນໄຍຕໍ່ພໍ່ແມ່ປະຊາຊົນຜູ້ປະສົບໄພ ແລະ ໄດ້ສະແດງຄວາມຊົມເຊີຍມາຍັງຄະນະນໍາຂອງແຂວງ, ຄະນະໄພພິບັດແຕ່ລະຂັ້ນພາຍໃນແຂວງ ທີ່ເປັນເຈົ້າການນໍາພາແກ້ໄຂບັນຫາຜົນກະທົບຄັ້ງນີ້ໃຫ້ຜ່ອນຄາຍລົງ. ພ້ອມທັງເນັ້ນໃຫ້ພາກສ່ວນກ່ຽວຂ້ອງສືບຕໍ່ຄົ້ນຫາຜູ້ສູນຫາຍຈາກດິນເຫດເຈື່ອນ, ສືບຕໍ່ໂຄສະນາເປັນເຈົ້າການແຈ້ງເຕືອນໃຫ້ປະຊາຊົນມີສະຕິໃນການຕິດຕາມເຝົ້າລະວັງຜົນກະທົບທາງທໍາມະຊາດທີ່ອາດຈະເກີດຂຶ້ນອີກ, ຕໍ່ກັບໄພນໍ້າຖ້ວມໃຫ້ສຸ່ມໃສ່ແກ້ໄຂຊີວິດການເປັນຢູ່ຂອງປະຊາຊົນໃຫ້ເປັນບູລິມະສິດເປັນວຽກທີ່ສືບຕໍ່, ດ້ານວຽກງານການຊົດເຊີຍຜົນເສຍຫາຍມອບໃຫ້ກະຊວງແຮງງານ ແລະ ສະຫວັດດີການສັງຄົມ ສົມທົບກັບຂະແໜງການກ່ຽວຂ້ອງເກັບກໍາຂໍ້ມູນຜົນເສຍຫາຍ ແລະ ດໍາເນີນການຊົດເຊີຍຕາມເງື່ອນໄຂຄວາມເປັນຈິງ ໃນການຟື້ນຟູຊີວິດການເປັນຢູ່ຂອງປະຊາຊົນ ໃຫ້ກັບຄືນສູ່ສະພາບປົກກະຕິໂດຍໄວ. ຂ່າວ: ແຂວງຄຳມ່ວນ #ຂ່າວພາຍໃນລາວພັດທະນາ #ນາຍົກ #ຕິດຕາມຜົນກະທົບນ້ຳຖ້ວມ #ແຂວງຄຳມ່ວນ _______@_______ ສະໜັບສະໜູນຂ່າວໂດຍ: ບໍລິສັດ ອາລີອັນສ ປະກັນໄພລາວ ໂທ: 021 215 903 ທະນາຄານພັດທະນາລາວ 021 213 300 _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088

ວັນທີ 11 ສິງຫາ 2023, ກະຊວງຖະແຫລງຂ່າວ, ວັດທະນະທໍາ ແລະ ທ່ອງ ທ່ຽວ (ຖວທ) ໄດ້ຈັດພິທີໂຮມຊຸມນຸມສະເຫລີມສະຫລອງວັນສ້າງຕັ້ງສື່ມວນຊົນ ແລະ ການພິມຈໍາໜ່າຍ ຄົບຮອບ 73 ປີ (13/8/1950 –13/8/2023), ໂດຍການເປັນປະທານຂອງທ່ານ ວັນສີ ກົວມົວ ຮອງລັດຖະມົນຕີ ກະຊວງ ຖວທ. ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງ ຖວທ ໄດ້ຍົກໃຫ້ເຫັນປະຫວັດ, ມູນເຊື້ອຂອງສື່ມວນຊົນ ແລະ ການພິມຈໍາໜ່າຍ 73 ປີ ແຫ່ງການເຕີບໃຫຍ່ຂະຫຍາຍຕົວຂອງການເຄື່ອນໄຫວວຽກງານສື່ມວນຊົນ ແລະ ການພິມຈໍາໜ່າຍ ຜ່ານມາ, ລວມທັງຜົນງານທີ່ພົ້ນເດັ່ນຂອງການເຄື່ອນໄຫວວຽກງານສື່ມວນຊົນ ແລະ ການພິມຈໍາໜ່າຍປະຈໍາປີ 2022-2023 ເຊິ່ງໃນຂົງເຂດສື່ມວນຊົນໄດ້ເອົາໃຈໃສ່, ໂຄສະນາການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX, ວຽກງານຈຸດສຸມຂອງລັດຖະບານ; ໄດ້ໂຄສະນາ ເພື່ອສະກັດກັ້ນການແຜ່ລະບາດຂອງພະຍາດຕ່າງໆ ເຊັ່ນ: ໂຄວິດ-19, ພະຍາດທີ່ເກີດຂຶ້ນຕາມລະດູການ ແລະ ການປ່ຽນແປງຂອງດິນຟ້າອາກາດ. ນອກນີ້, ໂທລະພາບແຫ່ງຊາດລາວ ຍັງໄດ້ມີການປັບປຸງ, ຄ່ອຍຫັນປ່ຽນຈາກລະບົບອານາລ໊ອກ ເປັນລະບົບດີຈີຕອນເທື່ອລະກ້າວ ໃນນັ້ນ, ສະຖານີໂທລະພາບແຫ່ງຊາດລາວ ຊ່ອງ 3 ແມ່ນໄດ້ຫັນເປັນລະບົບທີ່ທັນສະໄໝ (Full HD) ທັງອຸປະກອນການຜະລິດ ແລະ ເຄື່ອງສົ່ງ (ສຳລັບເຄື່ອງສົ່ງພາກພື້ນດິນເປັນລະບົບດີຈິຕອນ, ປັດຈຸບັນກຳລັງຂໍການອະນຸມັດ ຄາດວ່າຈະໄດ້ຮັບການຕິດຕັ້ງໃນໄວໆນີ້); ສາມາດຂະຫຍາຍຕາໜ່າງໂທລະໂຄ່ງລົງສູ່ທ້ອງຖິ່ນທົ່ວປະເທດ, ສ້າງສະຖານີວິທະຍຸຂັ້ນແຂວງສຳເລັດ 1 ແຫ່ງ ຢູ່ແຂວງບໍ່ແກ້ວ; ໄດ້ໂຄສະນາຕອບໂຕ້ຂ່າວບິດເບືອນ, ການໃສ່ຮ້າຍປ້າຍສີຂອງກຸ່ມຄົນບໍ່ດີຢ່າງທັນການ. ສຳລັບຂົງເຂດການພິມຈໍາໜ່າຍ ປັດຈຸບັນທົ່ວປະເທດມີໂຮງພິມ 79 ແຫ່ງ ແລະ ສຳນັກພິມ 17 ແຫ່ງ, ມີຮ້ານຈຳໜ່າຍປຶ້ມ-ສິ່ງພິມເກີດຂຶ້ນຢ່າງຫລວງຫລາຍ, ມີອົງການຈັດຕັ້ງທີ່ເຄື່ອນໄຫວວຽກງານພິມຈຳໜ່າຍເປັນຕົ້ນສະມາຄົມການພິມ, ສະມາຄົມນັກປະພັນລາວ, ສະໂມສອນນັກຂຽນໜຸ່ມສິນໄຊ, ສະໂມສອນສະແຫວງສິນ ແລະ ສະມາຄົມຫ້ອງສະໝຸດລາວ. ສັງລວມແລ້ວການຈັດພິມ ປີ 2022-2023, ສາມາດອອກທະບຽນພິມປຶ້ມໄດ້ທັງໝົດ 583 ຫົວເລື່ອງ, ຈໍານວນພິມ 2.847.819 ຫົວ. ໃນນີ້, ມີປຶ້ມຄວາມຮູ້ທົ່ວໄປ 18 ຫົວເລືອງ, ຈຳນວນພິມ 17.725 ຫົວ; ປຶ້ມປັດຊະຍາ 13 ຫົວເລື່ອງ, ຈຳນວນພິມ 18.710 ຫົວ; ປຶ້ມສິນທຳ 6 ຫົວເລື່ອງ, ຈຳນວນພິມ 8.500 ຫົວ; ປຶ້ມສັງຄົມສາດ 49 ຫົວເລື່ອງ, ຈຳນວນພິມ 36.440 ຫົວ; ປຶ້ມແບບຮຽນພາສາຕ່າງປະເທດ 144 ຫົວເລື່ອງ ເປັນຕົ້ນ. #ຂ່າວພາຍໃນລາວພັດທະນາ #ວັນສື່ມວນຊົນ ______@_______ ສະໜັບສະໜູນຂ່າວໂດຍ: ນໍ້າດື່ມຫົວເສືອ ນໍ້າດື່ມຄຸນນະພາບ _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088