ຜົນການແຂ່ງຂັນ Lao P.D.R. 35 vs 65 Cambodia ລາວເຮົາໄດ້ຄະແນນຈາກ ເບີ 9 ວິໄລພອນ ຄຳມີກຸນ 15 ຄະແນນ ເບີ 19 ພູໂຂງ 10 ຄະແນນ ເບີ 10 ພິດສະໄໝ ແກ້ວປະເສີດ 08 ຄະແນນ ເບີ 29 ນິດ ຈິດທິວົງ 02 ຄະແນນ #lwbf #ບານບ້ວງລໍ້ເລື່ອນທິມຍິງ

ກອງປະຊຸມສຳມະນາ ກ່ຽວກັບການຍົກລະດັບວຽກງານຄວາມປອດໄພ ໃນ ສ ປ ປ ລາວ -------------------------------------------- ກົມຄວາມປອດໄພໄຊເບີ, ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມກັບ ສະຖານທູດອົດສະຕາລີ ໄດ້ຈັດກອງປະຊຸມສຳມະນາກ່ຽວກັບ ການຍົກລະດັບວຽກງານຄວາມປອດໄພໄຊເບີ ໃນ ສ ປ ປ ລາວ ເພື່ອໃຫ້ທຸກຄົນມີຄວາມສະດວກໃນການສື່ສານ, ການແລກປ່ຽນຂໍ້ມູນ-ຂ່າວສານ, ການເກັບຂໍ້ມູນ ລວມເຖິງການຮັກສາລະບົບຂໍ້ມູນຂ່າວສານຕ່າງໆທາງອີນເຕີເນັດ/ໄຊເບີ, ຈັດຂຶ້ນໃນວັນທີ 18 ຕຸລາ 2023 ທີ່ ໂຮງແຮມ ຄຣາວພາຊາ ນະຄອນຫຼງວຽງຈັນ, ໂດຍການເປັນປະທານຂອງ ທ່ານ ສຸເນດໂຕ ຊາພັກດີ ຮອງຫົວໜ້າກົມຄວາມປອດໄພໄຊເບີ, ຊຶ່ງຜູ້ເຂົ້າຮ່ວມມີທ່ານ ນາງ ຟີໂອນາ ເລຂານຸການ ຈາກສະຖາທູດອົດສະຕາລີ, ພ້ອມດ້ວຍນັກວິທະຍາກອນ, ບັນດາກົມ/ທຽບເທົ່າ, ບໍລິສັດໂທລະຄົມ ແລະ ກະຊວງອ້ອມຂ້າງທີ່ກ່ຽວຂ້ອງ ຈຳນວນ 30 ທ່ານ. : ຈຸດປະສົງຂອງການສໍາມະນາໃນຄັ້ງນີ້ ກໍ່ເພື່ອເສີມສ້າງຄວາມຮູ້ຄວາມອາດສາມາດ ແລະ ຄວາມເຂົ້າໃຈໃນວຽກງານນະໂຍບາຍ ແລະ ຍຸດທະສາດດ້ານຄວາມປອດໄພທາງໄຊເບີ ໃຫ້ກັບບັນດາຜູ້ເຂົ້າຮ່ວມ ແລະ ໜ່ວຍງານທີ່ກ່ຽວຂ້ອງອ້ອມຂ້າງ ຊຶ່ງຜູ້ເຂົ້າຮ່ວມຈະໄດ້ຮຽນຮູ້ ແລະ ແລກປ່ຽນລະບຽບຫຼັກການຕ່າງໆກ່ຽວກັບ ນະໂຍບາຍ ແລະ ແຜນຍຸດທະສາດດ້ານຄວາມປອດໄພທາງໄຊເບີ ພ້ອມທັງການຈັດຕັ້ງປະຕິບັດບັນດາກົດໝາຍ ແລະ ມາດຕະການຕ່າງໆ ລະຫວ່າງປະເທດ ແລະ ສາກົນ. ສະນັ້ນ ເພື່ອໃຫ້ເປັນໄປຕາມຂໍ້ກໍານົດລະບຽບຫຼັກການ ແລະ ໃຊ້ມາດຕະການຕໍ່ຜູ້ລະເມີດ, ເພື່ອປົກປ້ອງຂໍ້ມູນສ່ວນບຸກຄົນ ແລະ ສິດທິຂອງອົງກອນ ພ້ອມນັ້ນການຮ່ວມມື ລະຫວ່າງປະເທດ ແລະ ໃນລະດັບພາກພື້ນ ກໍ່ເປັນສີ່ງຈໍາເປັນ ແລະ ສໍາຄັນ ເພື່ອໃຫ້ມີການແລກປ່ຽນຂໍ້ມູນຂ່າວສານເຊີ່ງກັນ ແລະ ກັນ ເພື່ອຊ່ວຍປັບປຸງພັດທະນາໃນວຽກງານນະໂຍບາຍຄວາມປອດໄພໄຊເບີ ໃຫ້ຄວາມສອດຄ່ອງ ແລະ ຫັດກຸມຂື້ນກວ່າເກົ່າ. ຂຽນຂ່າວ: ກົມຄວາມປອດໄພໄຊເບີ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ຂອບໃຈ ທ່ານ ນາງ ເກສອນ ສຸລີວົງ ພ້ອມ ຄະນະ ສູນສົ່ງເສີມ ແລະ ຖ່າຍທອດເຕັກໂນໂລຊີ, ກະຊວງ ເຕັກໂນໂລຊີ ແລະ ການສື່ສານ ໃນການແລກປ່ຽນຄຳຄິດເຫັນ ວຽກງານສົ່ງເສີມສະຕາດອັບ ແລະ ສະໜັບສະໜູນການຫັນເປັນທັນສະໄຫມ ລະບົບ ຄິດຮອດ ແລະ ລະບົບ ສະຫະພັນແມ່ຍິງລາວ #kidhod #LaoWomenUnoin

ສໍາມະນາການສໍາຫຼວດ ແລະ ສຶກສາຄວາມພ້ອມ ໃນການພັດທະນາລະບົບຢັ້ງຢືນຕົວຕົນດິຈິຕອນ ຢູ່ ສປປ ລາວ ------------------------------------------------- ໃນອາທິດຜ່ານມານີ້, ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ (ກຕສ) ແລະ ບໍລິສັດ Ryobi Lao ໄດ້ຮ່ວມກັນຈັດກອງປະຊຸມສໍາມະນາ ການສໍາຫຼວດ ແລະ ສຶກສາຄວາມພ້ອມໃນການພັດທະນາລະບົບຢັ້ງຢືນຕົວຕົນດິຈິຕອນ (Digital ID) ຢູ່ ສປປ ລາວ ໂດຍການເປັນປະທານຂອງທ່ານ ນາງ ວັນນະພາ ພົມມະທັນສີ, ຮອງຫົວໜ້າສູນບໍລິຫານລັດ ດິຈິຕອນ, ຊຶ່ງມີຜູ້ຕາງໜ້າຈາກບັນດາກະຊວງ/ທຽບເທົ່າ ແລະ ບັນດາກົມອ້ອມຂ້າງ ກຕສ ເຂົ້າຮ່ວມທັງໝົດ ຈຳນວນ 30 ກວ່າທ່ານ. : ຈຸດປະສົງຂອງກອງປະຊຸມແມ່ນເພື່ອສ້າງຄວາມເຂົ້າໃຈໃຫ້ກັບບັນດາກະຊວງໃນການເກັບກຳຂໍ້ມູນຕ່າງໆ ທີ່ກ່ຽວຂ້ອງກັບການບໍລິການຂອງບັນດາກະຊວງ ເພື່ອນຳເອົາຂໍ້ມູນມາສຶກສາ, ປະເມີນ ແລະ ສ້າງບົດລາຍງານການປະເມີນຄວາມພ້ອມ (ໂດຍສະເພາະຄວາມພ້ອມທາງດ້ານ ນິຕິກໍາ, ລະບົບເຕັກນິກ, ມາດຕະຖານ ແລະ ບຸກຄະລາກອນ) ຂອງແຕ່ລະຂະແໜງການໃນການພັດທະນາລະບົບ Digital ID ຢູ່ ສປປ ລາວ ໃນອະນາຄົດ. : ກອງປະຊຸມຄັ້ງນີ້ ຖືເປັນກອງປະຊຸມໜຶ່ງທີ່ມີຄວາມໝາຍຄວາມສຳຄັນໃນການຊຸກຍູ້ການຫັນເປັນດິຈິຕອນ ຂອງ ສປປ ລາວ ແລະ ທັງເປັນການຈັດຕັ້ງຜັນຂະຫຍາຍຍຸດທະສາດໃນການຫັນເປັນດິຈິຕອນ ກໍຄືວິໄສທັດການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາເສດຖະກິດ ດິຈິຕອນ ແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາ ເສດຖະກິດດິຈິຕອນ ແຫ່ງຊາດ ໄລຍະ 5 ປີ (2021-2025) ແນໃສ່ເພື່ອການກ້າວເຂົ້າສູ່ການຫັນເປັນລັດຖະບານດິຈິຕອນ, ສັງຄົມດິຈິຕອນ ແລະ ເສດຖະກິດດິຈິຕອນ ຂອງ ສປປ ລາວ. : ການຈັດຕັ້ງປະຕິບັດແຜນງານດັ່ງກ່າວນີ້ ແມ່ນການຮ່ວມມືລະຫວ່າງ ກະຊວງ ເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງ ພາຍໃນ ແລະ ການສື່ສານ ຂອງປະເທດຍີ່ປຸ່ນ ໃນການດຳເນີນການສຶກສາ ແຜນພັດທະນາລະບົບ Digital ID ຢູ່ ສປປ ລາວ ໂດຍຜ່ານການປະຕິບັດຕົວຈິງຂອງ ບໍລິສັດ Ryobi Lao, ບໍລິສັດ Ryobi System ຍິປຸ່ນ ແລະ ບໍລິສັດ ເຕັກໂນໂລຊີ ຂອງປະເທດ ຍິປຸ່ນ ຈຳນວນໜຶ່ງ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ປີ້ງໄກ່ລາດທາປາແດກ ສູດ ຄົວຈິບນ້ອຍ 🍳 ວັດຖຸດິບຢ່າງດີ ຈາກ 📍ຮ້ານ Fresh & Farm Market ສ່ວນປະສົມ: ⁃ ໄກ່ລາດ ⁃ ກະທຽມ ຫົວສິງໄຄ ໃບຂີ້ຫູດ ໝາກເຜັດດິບ ⁃ ໝາກເຜັດຜົງ ປາແດກ ⁃ ເກືອ ແປ້ງນົວ ນໍ້າຕານ ⁃ ຊະອິວ ຊ໋ອດຫອຍ ວິທີເຮັດ: ⁃ ຕຳແຈ່ວທາ: ດ້ວຍການເອົາ ກະທຽມ ຫົວສິງໄຄ ໝາກເຜັດດິບ ຕຳໃຫ້ແຫຼກ ປຸງລົດດ້ວຍ ແປ້ງນົວ ເກືອ ນໍ້າຕານ ແລະ ປາແດກ ຊິມໃຫ້ອອກລົດຊາດ ເຄັມ ຫວານ ນົວ ສຸດທ້າຍເອົາໝາກເຜັດຜົງ ແລະ ໃບຂີ້ຫູດຊອຍລົງ ⁃ ປຸງໄກ່: ຕັດໄກ່ເປັນຕອນ ຫຼື ຜ່າເປັນໂຕກໍໄດ້ ປຸງ ເກືອ ແປ້ງນົວ ນໍ້າຕານ ຊະອິວ ແລະ ຊ໋ອດຫອຍ ປຸງບໍ່ເຄັມຫຼາຍ ແລ້ວໝັກໄວ້ 15 ນາທີ ໃຫ້ເຄື່ອງປຸງມັນຊືມເຂົ້າຊີ້ນໄກ່ ⁃ ຄົບ 15 ນາທີ ແລ້ວເອົາແຈ່ວປາແດກທີ່ຕຳໄວ້ເອືອບ ນໍາເອົາໄປປີ້ງ ⁃ ປີ້ງໄຟອ່ອນໆ ຄ່ອຍປີ້ງຈົນສຸກແຫ້ມ ລະຫວ່າງປີ້ງ ບ່ອນໃດບໍ່ຖືກປາແດກ ກໍທາຕື່ມໃຫ້ທົ່ວ ວິທີເສີບ: ⁃ ຕັດໃສ່ຖາດ ຫຼື ຈານ ເສີບພ້ອມເຂົ້າໜຽວຮ້ອນໆ ແລະ ຜັກກັບ #ປີ້ງໄກ່ທາປາແດກ #ໄກ່ລາດ #FreshandFarm #jipnoii #laofood

ແຈກສູດ ປານື້ງຫມາກນາວ ແຊ໊ບໆຍົ້ວໆຈ໋າ🌶😋 ເມນູກັບແກ້ມ ກິນກັບ somersby ຊຸມແຊວກັບໝູ່ ແຊບມ່ວນທີ່ສຸດ. ສູດງ່າຍ ສະໄຕຣ໌ບ່າວໂກ້ ໃຜກໍເຮັດກິນເອງໄດ້ ແຕ່ຮັບປະກັນຄວາມແຊບ😋👍🏻 👉ແຊຣ໌ເກັບໄວ້ເຮັດກິນກັນເລີຍ 👇 📌ສ່ວນປະກອບ: - ປານິນ - ໝາກນາວ - ຫອມປ້ອມ - ຫົວສີໄຄ - ເຊັນເນີລີ້ - ຫອມບົ່ວ - ໝາກເຜັດ - ຫົວຜັກທຽມ - ຂີງ - ນ້ຳຕານ - ແປ້ງນົວ - ນ້ຳມັນຫອຍ - ເກືອ - ຫົວຜັກບົ່ວດອງ��📍ວິທີເຮັດ ລ້າງປາໃຫ້ສະອາດ ເອົາຫົວສີໄຄ ແລະ ຂີງຍັດໃສ່ບ່ອນທ້ອງປາເພື່ອດັບຄາວ ແລ້ວມາເອືອບໃສ່ນ້ຳມັນຫອຍ ເອົາປາໄປໜື້ງຈົນສຸກ. 🌶️ສູດນ້ຳແຈ່ວ: ຫຼັງຈາກນັ້ນມາກຽມນ້ຳແຈ່ວ ຕຳໝາກເຜັດ, ຫົວຜັກທຽມ, ໃສ່ເກືອ, ແປ້ງນົວ, ນ້ຳຕານ, ຮາກຫອມປ້ອມ ຕຳໃຫ້ພໍແຫລກແລ້ວ ປຸງລົດດ້ວຍນ້ຳໝາກນາວ ນ້ຳປາ ແລະ ຫົວຜັກບົ່ວດອງຊອຍ ໃສ່ນ້ຳດອງໜ້ອຍໜື່ງເດີ້ (ຊິມ ແລະ ປຸງລົດຊາດຕາມັກເລີຍ) ຫຼັງຈາກປາສຸກກໍເອົາແຈ່ວໄປລາດໄດ້ເລີຍ ປິດທ້າຍດ້ວຍຜັກຫອມຊອຍ ພ້ອມເສີບ. 😋 ກິນຄູ່ກັບເຄື່ອງດື່ມ Somersby ເຢັນໆ ບອກເລີຍວ່າ ຟິນສຸດໆ https://www.tiktok.com/@koko_fc77

✅✅ ການລົງທຶນທີ່ດີທີ່ສຸດ ຄືການລົງທຶນກັບໂຕເຮົາເອງ ເພາະເຮົາບໍ່ມີທາງຫນີໄປໃສ ເພາະເຮົາກໍຄືເຮົາ ຢ່າງເຊັ່ນ: ການລົງທຶນກັບຄວາມຮູ້ໃສ່ໂຕເຮົາເອງ ມັນບໍ່ມີຫຍັງທີ່ຕ້ອງເສຍດາຍ ແລະ ມັນກໍ່ຈະບໍ່ເສຍຖິ້ມໄປລ້າໆ.😊😊

ປີ້ງປາໃສ່ເຄື່ອງ ສູດເຮັດກິນຢູ່ບ້ານ ໃຜມັກຫຍັງສາມາດຕື່ມໃສ່ອີກໄດ້ ໃສ່ໝາກແຂ່ນຕື່ມກໍໄດ້ແຊບດີ ແຕ່ແອດບໍ່ໄດ້ໃສ່ ສູດນີ້ເປັນສູດພື້ນຖານ ແຕ່ຮັບປະກັນຄວາມແຊບ 👍 ມາເບິ່ງສ່ວນປະສົມນຳກັນເລີຍ: ສ່ວນປະສົມ: ⁃ ປາ ⁃ ຫົວຜັກບົວ ຜັກທຽມ ຫົວສິງໄຄ ໝາກເຜັດ ⁃ ຜັກບົ່ວໃບ ໃບອີ່ຕູ່ ⁃ ເກືອ ແປ້ງນົວ ວິທີເຮັດ: ⁃ ຜ່າຫຼັງປາ ລ້າງນໍ້າໃຫ້ສະອາດ ⁃ ຕຳ ຫົວຜັກບົວ ຜັກທຽມ ຫົວສິງໄຄ ແລະ ໝາກເຜັດດິບ ⁃ ຊອຍ ຜັກບົ່ວໃບ ໃບອີ່ຕູ ເອົາມາຄົນໃສ່ເຄື່ອງທີ່ຕຳໄວ້ ຄົນໃຫ້ເຂົ້າກັນ ປຸງເກືອ ແປ້ງນົວ ແລ້ວເອົາມາຢັດໃສ່ປາທີ່ຜ່າໄວ້ ⁃ ທາເຄື່ອງໃສ່ໜັງປາໜ້ອຍໜຶ່ງແລ້ວເອົາໄປປີ້ງ ປີ້ງໄຟອ່ອນໆ ປີ້ງໄປເລື້ອຍໆຈົນສຸກ ຢໍ້າວ່າໄຟອ່ອນ ຈະເຫຼືອງຫອມ ແຊບ ຄ່ອຍປີ້ງໃຈເຢັນໆ 😅🐟 ວິທີເສີບ: ⁃ ກິນຄູ່ກັບເຂົ້າໜຽວຮ້ອນໆ ແລະ ແຈ່ວໝາກເຜັດ https://www.tiktok.com/@koko_fc77

ທ່ານ ສົມໄຊ ຈັນທະລັງສີ, ຮອງປະທານສະພາ ແລະ ອຸດສາຫະກຳແຂວງຫົວພັນ ໄດ້ຮັບກຽດເຊີນເຂົ້າຮ່ວມສຳມະນາ ໃນນາມທີ່ ສຄອ ເປັນ 1 ໃນບັນດາອົງກອນທີ່ເປັນຜູ້ອອກໃບຢັ້ງຢືນແຫລ່ງກຳເນີດສິນຄ້າ(Certificate of Origin-CO) ທີ່ຈະສົ່ງອອກໄປຍັງຕ່າງປະເທດ. ງານສຳມະນາຄັ້ງນີ້ຈັດໂດຍ ກົມສົ່ງເສີມການນຳເຂົ້າ ແລະ ສົ່ງອອກ, ກະຊວງ ອຄ ເປັນເວລາ 2 ວັນ 10-11 ຕຸລາ 2023 ທີ່ໂຮງແຮມແລນມາກ ນະຄອນຫລວງວຽງຈັນ.

✨ ທຸກຄົນເຄີຍສົງໄສບໍ່ວ່າ ມີແມ່ນຫຍັງແນ່ທີ່ເຮົາຄວນພິຈາລະນາກ່ອນທີ່ຈະເສບຂ່າວໃດໜຶ່ງ ຫຼື ປົກກະຕິແລ້ວມີຢ່າງໃດແນ່ທີ່ເຮົາຄໍານຶງໃນການອ່ານຂ່າວ~ 🧐 ໂດຍມື້ນີ້ແອັດຈະມາແຊຣ໌ “5 ຢ່າງທີ່ເຮົາຄວນພິຈາລະນາກ່ອນຈະເສບຂ່າວ”. 1. ຄິດພິຈາລະນາກັບແຫຼ່ງຂໍ້ມູນ 🗃 ເຮົາສາມາດເຊື່ອຖືໄດ້ຫຼາຍພຽງໃດ ຫຼື ເຜີຍແຜ່ມາກ່ອນບໍ, ເຮົາຄວນອ່ານວິເຄາະເຖິງຄວາມເປັນໄປໄດ້ ແລະ ກວດເບິ່ງຈາກແຫຼ່ງຂ່າວອື່ນອີກດ້ວຍ. 2. ກວດສອບວັນເວລາ 🗓 ມັນອາດຈະເປັນຂ່າວເກົ່າ ຫຼື ສ້າງຂຶ້ນໃໝ່ໂດຍບໍ່ມີວັນທີ, ເດືອນ, ປີ ຂອງເຫດການ. ສະນັ້ນ, ເຮົາຕ້ອງກວດວັນເດືອນປິດີໆເນີ້ທຸກຄົນ. 3. ປຶກສາຜູ້ຊ່ຽວຊານ 💡 ປຶກສາຜູ້ຊ່ຽວຊານກ່ຽວກັບດ້ານນັ້ນໆ ຫຼື ຂະແໜງງານນັ້ນໆ. ອີກທາງເລືອກໜຶ່ງກໍຄື ເວັບໄຊ້ໃນການກວດຂ່າວ. 4. ກວດເບິ່ງຜູ້ທີ່ຂຽນ ແລະ ເຜີຍແຜ່ 📨 ພະຍາຍາມຕັ້ງຄໍາຖາມວ່າ ມັນໜ້າເຊື່ອຖືບໍ? ມີຕົວຕົນບໍ? ຫຼື ພຽງອ້າງອີງຊື່ຄົນດັງ ແລະ ຄົນທີ່ມີອິດຕິພົນໃນການສ້າງແຮງຈູງໃຈເທົ່ານັ້ນ! 5. ສັງເກດເບິ່ງຈຸດປະສົງຂອງຂ່າວ 🔍 ເພາະບາງຄັ້ງຂໍ້ມູນອາດຈະມີເນື້ອຫາທີ່ມີແນວໂນ້ມເກີນຄວາມເປັນຈິງ, ມີການສຽດສີ ຫຼື ເຮັດໃຫ້ຮູ້ສຶກປະຫຼາດໃຈ ຈົນອາດຈະເປັນໂຄສະນາຊວນເຊື່ອກໍເປັນໄດ້. ສະຫຼຸບແລ້ວ, ສິ່ງທີ່ທຸກຄົນຕ້ອງຄໍານຶງໃນການເສບຂ່າວກໍຄືການຄິດພິຈາລະນາເຖິງຕົ້ນປາຍສາເຫດ ບໍ່ວ່າຈະເປັນແຫຼ່ງຂໍ້ມູນ, ວັນເດືອນປີ, ຊື່ຜູ້ຂຽນ ແລະ ການສອບຖາມຜູ້ຊ່ຽວຊານຕ່າງໆນັ້ນເອງ. ເປັນແນວໃດທຸກຄົນ 🤗 , ຫຼັງຈາກອ່ານມາຮອດນີ້ແລ້ວ ເຮົາກໍຮູ້ແລ້ວເນາະ~ ວ່າ 5 ຢ່າງທີ່ເຮົາຄວນພິຈາລະນາກ່ອນຈະເສບຂ່າວມີຫຍັງແນ່✅ ສໍາລັບໃຜທີ່ບໍ່ຢາກພາດຂໍ້ມູນຂ່າວສານດີໆແບບນີ້, ສາມາດຕິດຕາມເພສ Diginovator ໄດ້ເລີຍເດີ້. ພວກເຮົາຈະນໍາເລື່ອງລາວສາລະດີໆມາບອກຕໍ່ໃຫ້ທຸກຄົນ! ຕິດຕາມ “ບົດຄວາມ” ຕໍ່ໄປນໍາກັນ✍🏻✨ #AYAG #ASEANDigitalLiteracy #Diginovator #CombatingDisinformationAndMisinformation