ກອງປະຊຸມສຳມະນາ ກ່ຽວກັບການຍົກລະດັບວຽກງານຄວາມປອດໄພ ໃນ ສ ປ ປ ລາວ -------------------------------------------- ກົມຄວາມປອດໄພໄຊເບີ, ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມກັບ ສະຖານທູດອົດສະຕາລີ ໄດ້ຈັດກອງປະຊຸມສຳມະນາກ່ຽວກັບ ການຍົກລະດັບວຽກງານຄວາມປອດໄພໄຊເບີ ໃນ ສ ປ ປ ລາວ ເພື່ອໃຫ້ທຸກຄົນມີຄວາມສະດວກໃນການສື່ສານ, ການແລກປ່ຽນຂໍ້ມູນ-ຂ່າວສານ, ການເກັບຂໍ້ມູນ ລວມເຖິງການຮັກສາລະບົບຂໍ້ມູນຂ່າວສານຕ່າງໆທາງອີນເຕີເນັດ/ໄຊເບີ, ຈັດຂຶ້ນໃນວັນທີ 18 ຕຸລາ 2023 ທີ່ ໂຮງແຮມ ຄຣາວພາຊາ ນະຄອນຫຼງວຽງຈັນ, ໂດຍການເປັນປະທານຂອງ ທ່ານ ສຸເນດໂຕ ຊາພັກດີ ຮອງຫົວໜ້າກົມຄວາມປອດໄພໄຊເບີ, ຊຶ່ງຜູ້ເຂົ້າຮ່ວມມີທ່ານ ນາງ ຟີໂອນາ ເລຂານຸການ ຈາກສະຖາທູດອົດສະຕາລີ, ພ້ອມດ້ວຍນັກວິທະຍາກອນ, ບັນດາກົມ/ທຽບເທົ່າ, ບໍລິສັດໂທລະຄົມ ແລະ ກະຊວງອ້ອມຂ້າງທີ່ກ່ຽວຂ້ອງ ຈຳນວນ 30 ທ່ານ. : ຈຸດປະສົງຂອງການສໍາມະນາໃນຄັ້ງນີ້ ກໍ່ເພື່ອເສີມສ້າງຄວາມຮູ້ຄວາມອາດສາມາດ ແລະ ຄວາມເຂົ້າໃຈໃນວຽກງານນະໂຍບາຍ ແລະ ຍຸດທະສາດດ້ານຄວາມປອດໄພທາງໄຊເບີ ໃຫ້ກັບບັນດາຜູ້ເຂົ້າຮ່ວມ ແລະ ໜ່ວຍງານທີ່ກ່ຽວຂ້ອງອ້ອມຂ້າງ ຊຶ່ງຜູ້ເຂົ້າຮ່ວມຈະໄດ້ຮຽນຮູ້ ແລະ ແລກປ່ຽນລະບຽບຫຼັກການຕ່າງໆກ່ຽວກັບ ນະໂຍບາຍ ແລະ ແຜນຍຸດທະສາດດ້ານຄວາມປອດໄພທາງໄຊເບີ ພ້ອມທັງການຈັດຕັ້ງປະຕິບັດບັນດາກົດໝາຍ ແລະ ມາດຕະການຕ່າງໆ ລະຫວ່າງປະເທດ ແລະ ສາກົນ. ສະນັ້ນ ເພື່ອໃຫ້ເປັນໄປຕາມຂໍ້ກໍານົດລະບຽບຫຼັກການ ແລະ ໃຊ້ມາດຕະການຕໍ່ຜູ້ລະເມີດ, ເພື່ອປົກປ້ອງຂໍ້ມູນສ່ວນບຸກຄົນ ແລະ ສິດທິຂອງອົງກອນ ພ້ອມນັ້ນການຮ່ວມມື ລະຫວ່າງປະເທດ ແລະ ໃນລະດັບພາກພື້ນ ກໍ່ເປັນສີ່ງຈໍາເປັນ ແລະ ສໍາຄັນ ເພື່ອໃຫ້ມີການແລກປ່ຽນຂໍ້ມູນຂ່າວສານເຊີ່ງກັນ ແລະ ກັນ ເພື່ອຊ່ວຍປັບປຸງພັດທະນາໃນວຽກງານນະໂຍບາຍຄວາມປອດໄພໄຊເບີ ໃຫ້ຄວາມສອດຄ່ອງ ແລະ ຫັດກຸມຂື້ນກວ່າເກົ່າ. ຂຽນຂ່າວ: ກົມຄວາມປອດໄພໄຊເບີ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ປະກາດ 📢📢📢 ຂໍເຊີນຊວນ ບັນດາບໍລິສັດ ທີ່ດໍາເນີນກິດຈະການດ້ານອຸປະກອນລະບົບກອງປະຊຸມທາງໄກ ເຂົ້າຮ່ວມປະມູນໂຄງການຂະຫຍາຍລາຍເຊັນ ຜູ້ຊົມໃຊ້ລະບົບກອງປະຊຸມທາງໄກ True Conf. ລາຍລະອຽດແມ່ນໃນເອກະສານລຸ່ມນີ້: 👇👇👇 ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ສໍາມະນາການສໍາຫຼວດ ແລະ ສຶກສາຄວາມພ້ອມ ໃນການພັດທະນາລະບົບຢັ້ງຢືນຕົວຕົນດິຈິຕອນ ຢູ່ ສປປ ລາວ ------------------------------------------------- ໃນອາທິດຜ່ານມານີ້, ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ (ກຕສ) ແລະ ບໍລິສັດ Ryobi Lao ໄດ້ຮ່ວມກັນຈັດກອງປະຊຸມສໍາມະນາ ການສໍາຫຼວດ ແລະ ສຶກສາຄວາມພ້ອມໃນການພັດທະນາລະບົບຢັ້ງຢືນຕົວຕົນດິຈິຕອນ (Digital ID) ຢູ່ ສປປ ລາວ ໂດຍການເປັນປະທານຂອງທ່ານ ນາງ ວັນນະພາ ພົມມະທັນສີ, ຮອງຫົວໜ້າສູນບໍລິຫານລັດ ດິຈິຕອນ, ຊຶ່ງມີຜູ້ຕາງໜ້າຈາກບັນດາກະຊວງ/ທຽບເທົ່າ ແລະ ບັນດາກົມອ້ອມຂ້າງ ກຕສ ເຂົ້າຮ່ວມທັງໝົດ ຈຳນວນ 30 ກວ່າທ່ານ. : ຈຸດປະສົງຂອງກອງປະຊຸມແມ່ນເພື່ອສ້າງຄວາມເຂົ້າໃຈໃຫ້ກັບບັນດາກະຊວງໃນການເກັບກຳຂໍ້ມູນຕ່າງໆ ທີ່ກ່ຽວຂ້ອງກັບການບໍລິການຂອງບັນດາກະຊວງ ເພື່ອນຳເອົາຂໍ້ມູນມາສຶກສາ, ປະເມີນ ແລະ ສ້າງບົດລາຍງານການປະເມີນຄວາມພ້ອມ (ໂດຍສະເພາະຄວາມພ້ອມທາງດ້ານ ນິຕິກໍາ, ລະບົບເຕັກນິກ, ມາດຕະຖານ ແລະ ບຸກຄະລາກອນ) ຂອງແຕ່ລະຂະແໜງການໃນການພັດທະນາລະບົບ Digital ID ຢູ່ ສປປ ລາວ ໃນອະນາຄົດ. : ກອງປະຊຸມຄັ້ງນີ້ ຖືເປັນກອງປະຊຸມໜຶ່ງທີ່ມີຄວາມໝາຍຄວາມສຳຄັນໃນການຊຸກຍູ້ການຫັນເປັນດິຈິຕອນ ຂອງ ສປປ ລາວ ແລະ ທັງເປັນການຈັດຕັ້ງຜັນຂະຫຍາຍຍຸດທະສາດໃນການຫັນເປັນດິຈິຕອນ ກໍຄືວິໄສທັດການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາເສດຖະກິດ ດິຈິຕອນ ແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາ ເສດຖະກິດດິຈິຕອນ ແຫ່ງຊາດ ໄລຍະ 5 ປີ (2021-2025) ແນໃສ່ເພື່ອການກ້າວເຂົ້າສູ່ການຫັນເປັນລັດຖະບານດິຈິຕອນ, ສັງຄົມດິຈິຕອນ ແລະ ເສດຖະກິດດິຈິຕອນ ຂອງ ສປປ ລາວ. : ການຈັດຕັ້ງປະຕິບັດແຜນງານດັ່ງກ່າວນີ້ ແມ່ນການຮ່ວມມືລະຫວ່າງ ກະຊວງ ເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງ ພາຍໃນ ແລະ ການສື່ສານ ຂອງປະເທດຍີ່ປຸ່ນ ໃນການດຳເນີນການສຶກສາ ແຜນພັດທະນາລະບົບ Digital ID ຢູ່ ສປປ ລາວ ໂດຍຜ່ານການປະຕິບັດຕົວຈິງຂອງ ບໍລິສັດ Ryobi Lao, ບໍລິສັດ Ryobi System ຍິປຸ່ນ ແລະ ບໍລິສັດ ເຕັກໂນໂລຊີ ຂອງປະເທດ ຍິປຸ່ນ ຈຳນວນໜຶ່ງ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ຫ້ອງການ ກຕສ ຈັດພິທີມອບ-ຮັບ ໃບຍ້ອງຍໍປະຈໍາປີ ແລະ ເຜີຍແຜ່ເຊື່ອມຊຶມເອກະສານສໍາຄັນຂອງພັກ ------------------------------ ຫ້ອງການ ກະຊວງເຕັກໂນໂລຊີ ແລະ ການສື່ສານ ໄດ້ຈັດພິທີມອບ-ຮັບ ໃບຍ້ອງຍໍຜົນງານປະຈຳປີ 2022 ໃຫ້ແກ່ພະນັກງານລັດຖະກອນພາຍໃນຫ້ອງການ ແລະ ເຜີຍແຜ່ເຊື່ອມຊຶມ, ຜັນຂະຫຍາຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງ ຄະນະບໍລິຫານງານສູນກາງພັກ ສະໄໝທີ XI ຂຶ້ນໃນຕອນເຊົ້າຂອງວັນທີ 04 ຕຸລາ 2023, ທີ່ຫ້ອງປະຊຸມໃຫຍ່ ຊັ້ນ 05 ຂອງກະຊວງ (ເຂດສີສະເກດ), ໂດຍການເປັນປະທານຂອງ ທ່ານ ພູຂົງ ຈິດຮູບໂລກ ຄະນະປະຈໍາພັກກະຊວງ, ຫົວໜ້າຫ້ອງການ ກະຊວງເຕັກໂນໂລຊີ ແລະ ການສື່ສານ, ຊຶ່ງມີຄະນະຫ້ອງການ, ຄະນະພະແນກ ພ້ອມດ້ວຍວິຊາການເຂົ້າຮ່ວມຢ່າງພ້ອມພຽງ. . . ຈຸດປະສົງຂອງການຈັດພິທີໃນຄັ້ງນີ້ ກໍເພື່ອເປັນການຍ້ອງຍໍສັນລະເສີນຜູ້ທີ່ມີຜົນງານດີເດັ່ນ ໃນປະຕິບັດໜ້າທີ່ວຽກງານ ປະຈໍາປີ 2022 ຊຶ່ງໃນນັ້ນ ຜົນການປະເມີນຜູ້ທີ່ໄດ້ຮັບໃບຍ້ອງຍໍປະເພດດີຫຼາຍ: ມີຈໍານວນ 63 ທ່ານ, ປະເພດດີ: ມີຈໍານວນ 12 ທ່ານ, ປະເພດກາງ: 01 ທ່ານ ແລະ ບໍ່ໄດ້ຮັບການປະເມີນຈໍານວນ 12 ທ່ານ (ເຫດຜົນ: ສຶກສາຕໍ່ ແລະ ປະຈໍາການຍັງບໍ່ຄົບວາລະການປະເມີນ). . . ໃນພິທີດັ່ງກ່າວ, ທ່ານ ປະທານກອງປະຊຸມ ຍັງໄດ້ໃຫ້ກຽດເຜີຍແຜ່ເອກະສານສໍາຄັນຫຼາຍສະບັບ ເປັນຕົ້ນແມ່ນ: ຄຳສັ່ງແນະນຳວ່າ ດ້ວຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ລົງວັນທີ 18 ກັນຍາ 2023; ຕີລາຄາການຈັດຕັ້ງປະຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໃນໄລຍະຜ່ານມາ ລວມທັງບົດລາຍງານການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທີດທາງແຜນການທ້າຍສະໄໝ ຮອດປີ 2025; ຜົນສຳຫຼວດການນຳພາລວມ ແລະ ແຜນການດຳເນີນງານ ເພື່ອຜັນຂະຫຍາຍມະຕິວ່າດ້ວຍ ສືບຕໍ່ຍູ້ແຮງຜັນຂະຫຍາຍແນວທາງການປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ ສະບັບເລກທີ 432/ຄລສພ ລົງວັນທີ 18 ກັນຍາ 2023. ຂຽນຂ່າວ: ພຸດດາວອນ ພາສຸວັນ ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ກຕສ ປະກາດການຈັດຕັ້ງ ແລະ ເຊື່ອມຊຶມຜັນຂະຫຍາຍຜົນສຳເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ --------------------------------------------- ວັນທີ 02 ຕຸລາ 2023, ກະຊວງເຕັກໂນໂລຊີ ແລະ ການສື່ສານ(ກຕສ) ຈັດປະກາດການຈັດຕັ້ງ ແລະ ເຜີຍແຜ່ ເຊື່ອມຊຶມຜັນຂະຫຍາຍຜົນສຳເລັດຂອງກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງພັກ ສະໄໝ XI ທີ່ຫ້ອງປະຊຸມໃຫຍ່(ເຂດສີສະເກດ) ໂດຍໃຫ້ກຽດເຂົ້າຮ່ວມເປັນປະທານຂອງສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກຕສ, ມີບັນດາສະຫາຍໃນຄະນະພັກກະຊວງ, ຄະນະໜ່ວຍພັກບັນດາກົມ/ທຽບເທົ່າ, ຄະນະພັກຮາກຖານ ບໍລິສັດ ລັດວິສາຫະກິດ ອ້ອມຂ້າງກະຊວງພ້ອມດ້ວຍສະມາຊິກພັກ-ພະນັກງານຫຼັກແຫຼ່ງເຂົ້າຮ່ວມ. : ໃນພິທີ ທ່ານ ຄຳພູ ດວງຖະໜອມ, ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານດຳລັດຂອງນາຍົກ ວ່າດ້ວຍການແຕ່ງຕັ້ງຫົວໜ້າກົມເຕັກໂນໂລຊີ ແລະ ນະວັດຕະກຳ ກະຊວງເຕັກໂນໂລຊີ ແລະ ການສື່ສານ ສະບັບເລກທີ 268/ນຍ, ລົງວັນທີ 29/08/2023 ໂດຍແຕ່ງຕັ້ງ ທ່ານ ວິໄລສອນ ບຸບຜາລັດ ເປັນຫົວໜ້າກົມເຕັກໂນໂລຊີ ແລະ ນະວັດຕະກຳ ພ້ອມທັງ ຜ່ານຂໍ້ຕົກລົງວ່າດ້ວຍການແຕ່ງຕັ້ງພະນັກງານຂັ້ນຮອງຫົວໜ້າກົມ ສະບັບເລກທີ 4037/ກຕສ, ລົງວັນທີ25/09/2023 ໂດຍແຕ່ງຕັ້ງ ທ່ານ ປະລິນຍາ ພົມມະວິເສດ ເປັນຮອງຫົວໜ້າກົມເຕັກໂນໂລຊີ ແລະ ນະວັດຕະກຳ ແລະ ຜ່ານຂໍ້ຕົກລົງ ສະບັບເລກທີ 4036/ກຕສ, ລົງວັນທີ 25/09/2023 ໂດຍແຕ່ງຕັ້ງ ທ່ານ ແສງດວງທິບ ສຸນາເຄນ ເປັນຮອງຫົວໜ້າອົງການດັດສົມໂທລະຄົມມະນາຄົມ, ກະຊວງເຕັກໂນໂລຊີ ແລະ ການສື່ສານ.

ສຳມະນາປຶກສາຫາລືກ່ຽວກັບນິຕິກໍາການປົກປ້ອງຂໍ້ມູນຂ່າວສານ ສ່ວນບຸກຄົນ ຢູ່ ສປປ ລາວ ----------------------------------------------- ກົມຄວາມປອດໄພທາງໄຊເບີ, ກະຊວງເຕັກໂນໂລຊີ ແລະ ການສື່ສານ ຮ່ວມກັບ ບໍລິສັດ ທິລລິກິ ແອນ ກິບບິນສ໌ ລາວ ຈໍາກັດ ຈັດກອງປະຊຸມສຳມະນາ ເພື່ອປຶກສາຫາລື ກ່ຽວກັບ ນິຕິກໍາການປົກປ້ອງຂໍ້ມູນຂ່າວສານ ສ່ວນບຸກຄົນ ຢູ່ ສປປ ລາວ ໃນວັນທີ 3 ຕຸລາ 2023 ໂດຍໃຫ້ກຽດເຂົ້າຮ່ວມເປັນປະທານຮ່ວມຂອງທ່ານ ສຸດສາຄອນ ພົມມະຈັນ, ຮອງຫົວໜ້າກົມຄວາມປອດໄພທາງໄຊເບີ ແລະ ທ່ານ ດີໂນ້ ຊານຕາເນຍໂລ້, ຫົວໜ້າຫ້ອງການ ບໍລິສັດ ທິລລິກິ ແອນ ກິບບິນສ໌ ລາວ, ມີຊ່ຽວຊານຈາກປະເທດໄທ, ບັນດາຜູ້ຕາງໜ້າຈາກຫ້ອງການ, ກົມ/ທຽບເທົ່າ ອ້ອມຂ້າງກະຊວງເຂົ້າຮ່ວມ. : ຈຸດປະສົງຂອງການຈັດສຳມະນາດັ່ງກ່າວເພື່ອປຶກສາຫາລື ກ່ຽວກັບ ນິຕິກໍາ ການປົກປ້ອງຂໍ້ມູນຂ່າວສານ ສ່ວນບຸກຄົນ ຢູ່ ສປປ ລາວ ຮ່ວມກັບ ບັນດາພະນັກງານຈາກກົມຕ່າງໆອ້ອມຂ້າງກະຊວງ ເຕັກໂນໂລຊີ ແລະ ການສື່ສານ ຊຶ່ງການປຶກສາຫາລືໃນຄັ້ງນີ້ຈະເປັນບາດກ້າວສຳຄັນ ແລະ ເປັນຂໍ້ມູນພື້ນຖານໃຫ້ແກ່ພາກສ່ວນທີ່ກ່ຽວຂ້ອງໃນການສ້າງ ແລະ ປັບປຸງກົດໝາຍໃນອານາຄົດ ທັງຍັງເປັນການສ້າງຄວາມເຂົ້າໃຈໃຫ້ຫຼາຍຂຶ້ນກ່ຽວກັບວຽກງານປົກປ້ອງຂໍ້ມູນຂ່າວສານ ສ່ວນບຸກຄົນ ໂດຍສະເພາະກົດໝາຍວ່າດ້ວຍການປົກປ້ອງຂໍ້ມູນທາງເອເລັກໂຕນິກ ຂອງ ສປປ ລາວ ແລະ ປະເທດໄທ. ຜູ້ເຂົ້າຮ່ວມໄດ້ຮັບຟັງການນຳສະເໜີຄວາມຮູ້ທົ່ວໄປກ່ຽວກັບນິຕິກຳຄວາມເປັນສ່ວນຕົວທາງດ້ານຂໍ້ມູນອາຊຽນ, ກົດໝາຍ ແລະ ລະບຽບການກ່ຽວກັບຄວາມເປັນສ່ວນຕົວທາງດ້ານຂໍ້ມູນຂອງປະເທດໄທ ແລະ ຫວຽດນາມ ຊຶ່ງນຳສະເໜີໂດຍຊ່ຽວຊານຈາກ ບໍລິສັດ ທິລລິກິ ແອນ ກິບບິນສ໌ ລາວ ຈໍາກັດ. ພ້ອມນັ້ນ, ຜູ້ເຂົ້າຮ່ວມຍັງໄດ້ມີການປະກອບຄໍາຄິດຄໍາເຫັນປຶກສາຫາລືຮ່ວມກັນເຮັດໃຫ້ກອງປະຊຸມສໍາມະນາ ດຳເນີນໄປດ້ວຍບັນຍາກາດຟົດຟື້ນ.

ສະພາການຄ້າ ແລະ ອຸດສາຫະກຳແຂວງຫົວພັນ ໄດ້ເຂົ້າຮ່ວມກອງປະຊຸມ ປຶກສາຫາລື ກ່ຽວກັບການເກັບຊື້ລາຄາໝາກເກົ່າ. ເຊີ່ງກອງປະຊຸມໄດ້ຈັດຂຶ້ນໃນເວລາຕອນເຊົ້າ 3/10/2023 ທີ່ຫ້ອງປະຊຸມ ຫ້ອງວ່າການປົກຄອງ ແຂວງຫົວພັນ.

ຄຊປປລ ກຕສ ເປີດກອງປະຊຸມສ່ອງແສງວຽກງານຊາວໜຸ່ມ ປະຈໍາໄຕມາດ III ແລະ ປະກາດການຈັດຕັ້ງກໍາມະການເພີ່ມເຕີມ ຂອງຄະນະບໍລິຫານງານຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ----------------------------------------- ໃນຕອນບ່າຍຂອງວັນທີ 29 ກັນຍາ 2023 ນີ້, ທີ່ ຫ້ອງປະຊຸມ ສະຖາບັນເຕັກໂນໂລຊີການສື່ສານ ຂໍ້ມູນຂ່າວສານ, ກະຊວງ ເຕັກໂນໂລຊີ ແລະ ການສື່ສານ (ກຕສ), ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງ ເຕັກໂນໂລຊີ ແລະ ການສື່ສານ (ຄຊປປລ ກຕສ) ໄດ້ເປີດກອງປະຊຸມສ່ອງແສງວຽກງານຊາວໜຸ່ມ ປະຈໍາໄຕມາດ III ແລະ ປະກາດການຈັດຕັ້ງກໍາມະການເພີ່ມເຕີມ ຂອງຄະນະບໍລິຫານງານຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ຂຶ້ນ ໂດຍການເປັນປະທານຂອງ ສະຫາຍ ພວງປະເສີດ ແກ້ວສຸວັນ, ກຳມະການ ສູນກາງ ຄຊປປລ, ເລຂາ ຄຊປປລ ກຕສ, ມີບັນດາສະຫາຍຄະນະປະຈໍາ, ຄະນະບໍລິຫານງານ ຊປປລ ກຕສ, ບັນດາສະຫາຍເລຂາ/ຮອງເລຂາ ຈາກບັນດາຮາກຖານ/ໜ່ວຍຊາວໜຸ່ມອ້ອມຂ້າງກະຊວງ ເຂົ້າຮ່ວມ ຈຳນວນ 30 ກວ່າສະຫາຍ. : ຈຸດປະສົງຂອງກອງປະຊຸມຄັ້ງນີ້ ກໍເພື່ອທົບທວນຄືນການຈັດຕັ້ງປະຕິບັດແຜນງານການເຄື່ອນໄຫວວຽກງານຂອງ ຄຊປປລ ກຕສ, ລາຍງານສະພາບວຽກງານທີ່ພົ້ນເດັ່ນ ຂອງການເຄື່ອນໄຫວວຽກງານຂອງຄະນະຊ່ວຍວຽກ ຄຊປປລ ກຕສ ເຊັ່ນ: ຄະນະຮັບຜິດຊອບກອງເລຂາ, ຄະນະຮັບຜິດຊອບຂະບວນການ, ຄະນະຮັບຜິດຊອບແຜນການ-ການເງິນ ແລະ ຄະນະຮັບຜິດຊອບຈັດຕັ້ງ-ກວດກາ. ນອກຈາກນີ້, ກອງປະຊຸມຍັງໄດ້ຮັບຟັງການລາຍງານຫຍໍ້ສະພາບວຽກງານພົ້ນເດັ່ນ ຂອງການເຄື່ອນໄຫວວຽກງານ, ຂໍ້ສະເໜີຕ່າງໆ ຈາກສະຫາຍເລຂາໜ່ວຍ/ຮາກຖານ 19 ພາກສ່ວນທີ່ຂຶ້ນກັບ ຄຊປປລ ກຕສ. ພ້ອມນີ້, ກໍໄດ້ມີການປະກອບ ຄໍາຄິດ-ຄໍາເຫັນ ຢ່າງກົງໄປກົງມາ ເພື່ອເປັນບົດຮຽນ ແລະ ແນວທາງໃນການຈັດຕັ້ງປະຕິບັດວຽກງານຊາວໜຸ່ມໃຫ້ມີຜົນສໍາເລັດທີ່ດີຂຶ້ນກວ່າເກົ່າ.

ຄຊປປລ ກຕສ ເປີດກອງປະຊຸມສ່ອງແສງວຽກງານຊາວໜຸ່ມ ປະຈໍາໄຕມາດ III ແລະ ປະກາດການຈັດຕັ້ງກໍາມະການເພີ່ມເຕີມ ຂອງຄະນະບໍລິຫານງານຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ----------------------------------------- ໃນຕອນບ່າຍຂອງວັນທີ 29 ກັນຍາ 2023 ນີ້, ທີ່ ຫ້ອງປະຊຸມ ສະຖາບັນເຕັກໂນໂລຊີການສື່ສານ ຂໍ້ມູນຂ່າວສານ, ກະຊວງ ເຕັກໂນໂລຊີ ແລະ ການສື່ສານ (ກຕສ), ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງ ເຕັກໂນໂລຊີ ແລະ ການສື່ສານ (ຄຊປປລ ກຕສ) ໄດ້ເປີດກອງປະຊຸມສ່ອງແສງວຽກງານຊາວໜຸ່ມ ປະຈໍາໄຕມາດ III ແລະ ປະກາດການຈັດຕັ້ງກໍາມະການເພີ່ມເຕີມ ຂອງຄະນະບໍລິຫານງານຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ຂຶ້ນ ໂດຍການເປັນປະທານຂອງ ສະຫາຍ ພວງປະເສີດ ແກ້ວສຸວັນ, ກຳມະການ ສູນກາງ ຄຊປປລ, ເລຂາ ຄຊປປລ ກຕສ, ມີບັນດາສະຫາຍຄະນະປະຈໍາ, ຄະນະບໍລິຫານງານ ຊປປລ ກຕສ, ບັນດາສະຫາຍເລຂາ/ຮອງເລຂາ ຈາກບັນດາຮາກຖານ/ໜ່ວຍຊາວໜຸ່ມອ້ອມຂ້າງກະຊວງ ເຂົ້າຮ່ວມ ຈຳນວນ 30 ກວ່າສະຫາຍ. : ຈຸດປະສົງຂອງກອງປະຊຸມຄັ້ງນີ້ ກໍເພື່ອທົບທວນຄືນການຈັດຕັ້ງປະຕິບັດແຜນງານການເຄື່ອນໄຫວວຽກງານຂອງ ຄຊປປລ ກຕສ, ລາຍງານສະພາບວຽກງານທີ່ພົ້ນເດັ່ນ ຂອງການເຄື່ອນໄຫວວຽກງານຂອງຄະນະຊ່ວຍວຽກ ຄຊປປລ ກຕສ ເຊັ່ນ: ຄະນະຮັບຜິດຊອບກອງເລຂາ, ຄະນະຮັບຜິດຊອບຂະບວນການ, ຄະນະຮັບຜິດຊອບແຜນການ-ການເງິນ ແລະ ຄະນະຮັບຜິດຊອບຈັດຕັ້ງ-ກວດກາ. ນອກຈາກນີ້, ກອງປະຊຸມຍັງໄດ້ຮັບຟັງການລາຍງານຫຍໍ້ສະພາບວຽກງານພົ້ນເດັ່ນ ຂອງການເຄື່ອນໄຫວວຽກງານ, ຂໍ້ສະເໜີຕ່າງໆ ຈາກສະຫາຍເລຂາໜ່ວຍ/ຮາກຖານ 19 ພາກສ່ວນທີ່ຂຶ້ນກັບ ຄຊປປລ ກຕສ. ພ້ອມນີ້, ກໍໄດ້ມີການປະກອບ ຄໍາຄິດ-ຄໍາເຫັນ ຢ່າງກົງໄປກົງມາ ເພື່ອເປັນບົດຮຽນ ແລະ ແນວທາງໃນການຈັດຕັ້ງປະຕິບັດວຽກງານຊາວໜຸ່ມໃຫ້ມີຜົນສໍາເລັດທີ່ດີຂຶ້ນກວ່າເກົ່າ.

ທ່ານ ທິນະກອນ ສະມາຊິກ ສະພາການຄ້າແລະອຸດສາຫະກຳແຂວງຫົວພັນ ໄດ້ເຂົ້າຮ່ວມກອງປະຊຸມ ສະຫລຸບວຽກງານ ຂອງໂຮງຮຽນເຕັກນິກວິຊາຊີບ ແບບປະສົມແຂວງຫົວພັນ ຢູ່ທີ່ເມືອງວຽງໄຊ.