ຮຽນຈົບແລ້ວ ປະລິນຍາຕີຕໍ່ເນື່ອງ ເຕັກໂນໂລຊີຂໍ້ມູນຂ່າວສານ (ໄອທີ)

ຂໍຂອບໃຈຄອບຄົວ, ການຈັດຕັ້ງ, ອາຈານ ແລະ ໝູ່ເພື່ອນທຸກໆທ່ານ ທີ່ອຳນວຍຄວາມສະດວກ, ໃຫ້ການຊ່ວຍເຫຼືອ, ສິດສອນ ແລະ ສະໜັບສະໜູນຂ້າພະເຈົ້າມາໂດຍຕະຫລອດໃນໄລຍະການສຶກສາ ຈົນເຮັດໃຫ້ຂ້າພະເຈົ້າປະສົບຜົນສຳເລັດໃນການສຶກສາໃນມື້ນີ້

ດົນໆໄດ້ໄປເຕີມຄວາມສຸກກັບຄອບຄົວ

ຫົວໜ້າກົມຕໍາຫຼວດຄຸມຂັງ-ດັດສ້າງ ກະຊວງ ປກສ ສືບຕໍ່ເຄື່ອນໄຫວຊຸກຍູ້ວຽກ ງານຢູ່ຄ້າຍຄຸມຂັງແກ້ງຄັນ
-----------------------------------------------------------------------
ໃນວັນທີ 17 ຕຸລາ 2023, ພົຈວ ສົມລິດ ດາວຮຸ່ງສຸລິ ຫົວໜ້າກົມຕໍາຫຼວດຄຸມຂັງ-ດັດສ້າງ ກະຊວງ ປກສ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານວິຊາສະເພາະຢູ່ຄ້າຍຄຸມຂັງແກ້ງຄັນ, ໂດຍການຕ້ອນຮັບຂອງ ພັທ ນາລິດ ແກ້ວຄໍາສິງ ຫົວໜ້າຄ້າຍຄຸມຂັງແກ້ງຄັນ, ພ້ອມຄະນະພັກ-ຄະນະບັນຊາຄ້າຍ, ໃຫ້ການຕ້ອນຮັບຢ່າງອົບອຸ່ນ.
ການເຄື່ອນໄຫວຊຸກຍູ້ວຽກງານຄັ້ງນີ້, ເພື່ອຕິດຕາມການຈັດຕັ້ງປະຕິບັດວຽກງານວິຊາສະເພາະຂອງເຈົ້າໜ້າທີ່ໃຫ້ມີຄວາມຮັບປະກັນ, ຮັກສາໄດ້ຄວາມເປັນລະບຽບຮ້ອຍ ແລະ ຄວາມສະຫງົບ-ປອດໄພໃນທຸກດ້ານ ໂດຍສະເພາະແມ່ນການປ້ອງກັນເວນຍາມນັກໂທດ ລວມໄປເຖິງບັນດາກິດຈະກຳຕ່າງໆ ທີ່ນັກໂທດໄດ້ຜະລິດ ເປັນຕົ້ນແມ່ນເເກະສະຫຼັກ, ເຟີນີເຈີ,ວຽກຈັກສານ, ຕໍ່າຫູກ,ຕັດຫຍິບ,ປູກຝັງ ແລະ ລ້ຽງສັດ ບັນດາກິດຈະກຳຕ່າງໆນີແມ່ນສາມາດສ້າງ ແລະ ຝຶກເປັນວິຊາອາຊີບໃຫ້ກັບນັກໂທດ ທັງເປັນການຝືກສີມືໃຫ້ນັກໂທດ ພາຍຫຼັງພົ້ນໂທດດອອກໄປ ກໍສາມາດໄປປະກອບເປັນອາຊີບໄດ້ຕາມເງື່ອນໄຂຕົວຈິງ.
ໂອກາດນີ້, ພົຈວ ສົມລິດ ດາວຮຸ່ງສຸລິ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກຄະນະບັນຊາທີ່ໄດ້ເອົາໃສ່ໃຈຊີ້ນໍາບັນຊາພະນັກງານນັກຮົບພາຍ ເຮັດໃຫ້ຄ້າຍມີຄວາມສະຫງົບຄວາມເປັນລະບຽບ ຮຽບຮ້ອຍ ແລະພ້ອມກັນຄຸມຄອງ ແລ ະຝຶກວີຊາອາຊີບໃຫ້ນັກໂທດຢ່າງເຕັມທີ ເພື່ອໃຫ້ນັກໂທດທີ່ມີຜົນງານພົ້ນເດັນປະຕິບັດລະບຽບວິໄນດີ ເພື່ອມີເງື່ອນໄຂໃນການຜ່ອນໂທດ ແລະ ນໍາເອົາວີຊາຄວາມຮູ້ ແລະອາຊີບຕິດໂຕໄປພາຍຫຼັງພົ້ນໂທດອອກໄປກໍສາມາດປະກອບອາຊີບທີ່ສຸດຈະລິດ ແລະ ສ້າງລາຍຮັບໃຫ້ກັບຄອບຄົວ.
*ຂໍ້ມູນຈາກ: ເຟດບຸກເຟກ: ຄວາມສະຫງົບ Lao Security News

ທຸກຄົນລ້ວນຢາກເກີດມາໃນຄອບຄົວທີ່ສົມບູນແບບ
ແລະພຽບພ້ອມ‍‍ແຕ່ມັນເລືອກເກີດບໍ່ໄດ້
ແຕ່ເຮົາສ້າງອານາຄົດໃຫ້ສົມບູນໄດ້ສະເຫມີ ຈື່ໄວ້🏻🏻🏻

“ພາລະກິດລະດູບານໃໝ່” ພາກທີ 2
ຢູ່ຈີນ, ຄົນພິການເປັນ “ກຸ່ມຄົນພິເສດທີ່ມີຄວາມຫຍຸ້ງຍາກ”, ພາລະກິດຄົນພິການຖືກປຽບທຽບເປັນ “ພາລະກິດລະດູບານໃໝ່”.
ບໍ່ວ່າຕອນເຮັດວຽກຢູ່ຂັ້ນທ້ອງຖິ່ນ ຫຼື ຢູ່ຂັ້ນສູນກາງ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນລ້ວນແຕ່ມີຄວາມຫ່ວງໃຍເປັນພິເສດຕໍ່ກຸ່ມຄົນພິການ ໂດຍໄດ້ສ້າງຄວາມຊົງຈຳທີ່ອົບປຸ່ນເປັນຈຳນວນຫຼາຍໃຫ້ກັບເຂົາເຈົ້າ. ນັບແຕ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ18ຂອງພັກກອມມູນິດຈີນເມື່ອປີ 2012 ເປັນຕົ້ນມາ, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນແກນນຳໄດ້ໃຫ້ຄວາມເອົາໃຈໃສ່ເປັນພິເສດຕໍ່ພາລະກິດຄົນພິການ ໂດຍກຸ່ມຄົນພິການມີຄວາມຮູ້ສຶກໄດ້ຮັບຜົນປະໂຫຍດ, ມີຄວາມສຸກ ແລະ ມີຄວາມປອດໄພເພີ່ມຂຶ້ນຢ່າງເດັ່ນຊັດ.
ຍ້ອງຍໍຊົມເຊີຍຄົນພິການທີ່ຊ່ວຍເຫຼືອແລະສະໜັບສະໜູນກັນ
ເດືອນເມສາ ປີ2018, ທ່ານສີຈິ້ນຜິງໄດ້ເດີນທາງໄປຢ້ຽມຢາມເມືອງຊິງຊ່ານນະຄອນອູຮັ້ນແຂວງຫູເປີຍ, ເມື່ອແນມເຫັນນາງ ຕູ້ເສີງເສີງ ທີ່ນັ່ງຢູ່ລໍ້ຍູ້, ເພິ່ນຟ້າວຍ່າງເຂົ້າໄປຫາໂດຍກົ້ມລົງ ເດ່ມືທັງສອງເບື້ອງໄປຈັບມືຂອງນາງຢ່າງແໜ້ນໆ. ເພິ່ນແນມເບິ່ງນາງດ້ວຍຄວາມເມດຕາ, ຮັບຟັງນາງແຈ້ງໃຫ້ຮູ້ກ່ຽວກັບຕົນເອງໄດ້ດຳເນີນວຽກງານໃຫ້ບໍລິການບັນຍາຍຮູບເງົາແກ່ຄົນຕາບອດຄືແນວໃດ, ເພິ່ນໄດ້ຍ້ອງຍໍວ່າ: ນີ້ເປັນວຽກໜຶ່ງທີ່ມີຄຸນປະໂຫຍດຫຼາຍ.
ເວລາກ່າວຄຳອຳລາ, ທ່ານສີຈິ້ນຜິງໄດ້ເວົ້າກັບນາງຕູ້ເສີງເສີງວ່າ “ຂອບໃຈສະຫາຍ”, ສິ່ງນີ້ໄດ້ເຮັດໃຫ້ນາງຕື້ນຕັນໃຈຫຼາຍຈົນນ້ຳຕາຊຶມອອກ.ນາງບອກໃຫ້ຮູ້ໂດຍບໍ່ປິດບັງວ່າ ຕົນເອງເຄີຍພົບກັບຄວາມຫຍຸ້ງຍາກຢ່າງຫຼວງຫຼາຍໃນເວລາເຮັດວຽກ, ແຕ່ວ່າ ຄຳເວົ້າຂອງທ່ານສີຈິ້ນຜິງທີ່ວ່າ “ຂອບໃຈສະຫາຍ” ໄດ້ເພີ່ມກຳລັງແຮງໃຈໃຫ້ແກ່ນາງກ້າວເດີນໄປຂ້າງໜ້າຢ່າງເດັດດ່ຽວ. ປີ2020, ພະຍາດໂຄວິດ-19 ແພ່ລະບາດຢ່າງຮຸນແຮງຢູ່ນະຄອນອູຮັ້ນ, ນາງຕູ້ເສີງເສີງເປັນຄົນອູຮັ້ນ, ນອກຈາກເຮັດວຽກຕາມໜ້າທີ່ຕຳແໜ່ງຂອງຕົນແລ້ວ, ນາງຍັງໃຫ້ບໍລິການດ້ານຈິດຕະສາດຜ່ານທາງອ໋ອນລາຍແກ່ເພື່ອນມິດຜູ້ໃຊ້ອິນເຕີເນັດໃນນາມອາສາສະໝັກຕື່ມອີກ. ນາງຫວັງຢາກໝູນໃຊ້ປະສົບການຂອງຕົນເພື່ອເປັນກຳລັງໃຈໃຫ້ແກ່ຜູ້ຄົນຫຼາຍກວ່າເກົ່າໃນການຫຼຸດພົ້ນອອກຈາກເງົາມືດແລະຮັບຕ້ອນແສງສະຫວ່າງ.
ປະຕິບັດຕົວຈິງໃນການຊຸກຍູ້ໃຫ້ບັນລຸເປົ້າໝາຍການຈັດ “ສອງງານກິລາໂອລິມປິກໃຫ້ເປັນງານທີ່ໜ້າຊົມແລະປະທັບໃຈຄືກັນ”
ໃນໄລຍະກະກຽມຈັດງານກິລາໂອລິມປິກລະດູໜາວປັກກິ່ງ ແລະງານກິລາໂອລິມປິກຄົນພິການລະດູໜາວປັກກິ່ງ2022, ແຕ່ລະເທື່ອທີ່ທ່ານສີຈິ້ນຜິງເຄື່ອນໄຫວສຳຫຼວດວຽກງານກະກຽມທີ່ກ່ຽວຂ້ອງ, ເພິ່ນໄດ້ຮັບຟັງລາຍງານສະພາບວຽກງານກະກຽມງານກິລາໂອລິມປິກລະດູໜາວແລະງານກິລາໂອລິມປິກຄົນພິການລະດູໜາວໄປພ້ອມກັນໂດຍໄດ້ວາງແຜນງານກະກຽມທຸກລາຍການໂດຍລວມ ເຊິ່ງເປັນການປະຕິບັດຕົວຈິງໃນການຊຸກຍູ້ໃຫ້ບັນລຸເປົ້າໝາຍການຈັດ “ສອງງານກິລາ ໂອລິມປິກໃຫ້ເປັນງານທີ່ໜ້າຊົມແລະປະທັບໃຈຄືກັນ”
ວັນທີ 4ມັງກອນ2022, ທ່ານສີຈິ້ນຜິງໄດ້ເດີນທາງໄປຢ້ຽມຢາມສຳຫຼວດໂຄງການບ້ານໂອລິມປິກລະດູໜາວ(ບ້ານໂອລິມປິກຄົນພິການລະດູໜາວ)ປັກກິ່ງ, ເພິ່ນໄດ້ເຂົ້າໄປກວດເບິ່ງຢູ່ໃນຫ້ອງຕົວແບບສຳລັບນັກກິລາຄົນພິການເປັນການສະເພາະ ແລະຍ້ອງຍໍຊົມເຊີຍສິ່ງອຳນວຍຄວາມສະດວກສຳລັບຄົນພິການຢູ່ພາຍໃນຫ້ອງ ພ້ອມທັງຊີ້ນຳໃຫ້ຕ້ອງສຸມໃສ່ແກ້ໄຂບັນຫາລະອຽດໃຫ້ຮອບຄອບເພື່ອໃຫ້ບໍລິການທີ່ດີຕາມຄວາມປາດຖະໜາແລະຄວາມຮຽກຮ້ອງຕ້ອງການຂອງນັກກິລາ.
ພາຍໃຕ້ຄວາມເອົາໃຈໃສ່ແລະຊຸກຍູ້ສົ່ງເສີມຈາກທ່ານສີຈິ້ນຜິງ, ຄຳຊີ້ນຳດັ່ງກ່າວທີ່ສະແດງເຖິງນ້ຳໃຈພິເສດ ໄດ້ຮັບການຜັນຂະຫຍາຍຈັດຕັ້ງປະຕິບັດຢ່າງຮອບດ້ານໃນການຈັດວາງແລະການບໍລິການສຳລັບການແຂ່ງຂັນຂອງງານກິລາໂອລິມປິກຄົນພິການລະດູໜາວປັກກິ່ງ. ທ່ານ ແອນດຣິວ ປາຣເຊັນສ ປະທານຄະນະກຳມະການໂອລິມປິກຄົນພິການສາກົນໄດ້ຍ້ອງຍໍຊົມເຊີຍເປັນຢ່າງສູງວ່າ ງານກິລາໂອລິມປິກຄົນພິການລະດູໜາວປັກກິ່ງເປັນງານທີ່ໜ້າງຶດງໍ້ອັດສະຈັນ, ປອດໄພໄວ້ໃຈໄດ້, ໜ້າຊົມແລະປະທັບໃຈ, ເຊິ່ງໄດ້ສ້າງແບບຢ່າງມາດຕະຖານໃຫ້ກັບງານກິລາໂອລິມປິກຄົນພິການລະດູໜາວໃນຄັ້ງຕໍ່ຕໍ່ໄປ.
“ພາລະກິດລະດູບານໃໝ່”ເປັ່ງປະກາຍຄວາມສະຫງ່າລາສີໃນຍຸກໃໝ່
ຢູ່ຈີນມີຄົນພິການຫຼາຍກວ່າ 85 ລ້ານຄົນ, ຕໍ່ກັບຄົນພິການທີ່ເປັນກຸ່ມຄົນພິເສດທີ່ມີຄວາມຫຍຸ້ງຍາກນີ້, ທ່ານສີຈິ້ນຜິງໄດ້ຊີ້ໃຫ້ເຫັນວ່າ: “ການເຮັດໃຫ້ຄົນພິ ການທັງຫຼາຍຢູ່ເຢັນເປັນສຸກ, ເຫຼືອຢູ່ເຫຼືອກິນ, ມີຊີວິດການເປັນຢູ່ທີ່ດີແລະມີຄວາມສຸກ ເປັນສິ່ງ ສຳຄັນທີ່ສ່ອງແສງໃຫ້ເຫັນເຖິງຈຸດປະສົງຂອງພັກໃນການຮັບໃຊ້ປະຊາຊົນຢ່າງ ສຸດໃຈ,ເປັນຄວາມຮຽກຮ້ອງທີ່ຈຳເປັນຂອງລະບອບສັງຄົມນິຍົມຂອງປະເທດເຮົາ.”
ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກກອມມູນິດຈີນ ເມື່ອປີ 2012 ເປັນຕົ້ນມາ, ຈີນໄດ້ສຸມຄວາມພະຍາຍາມຢ່າງບໍ່ຢຸດຢັ້ງເຂົ້າໃນດ້ານຕ່າງໆເຊັ່ນ: ການປະກັນສັງຄົມ, ການຟື້ນຟູສຸຂະພາບ, ການສຶກສາ, ການປະກອບອາຊີບ, ການສ້າງສະພາບແວດລ້ອມທີ່ອຳນວຍຄວາມສະດວກ ແລະອື່ນໆ, ຊຸກຍູ້ພາລະກິດຄົນພິການໃຫ້ພັດທະນາໄປຢ່າງຮອບດ້ານ, ຕົວຢ່າງ:
ສ້າງກົດໝາຍສະເພາະກ່ຽວກັບການສ້າງສະພາບແວດລ້ອມທີ່ອຳນວຍຄວາມສະດວກເປັນຄັ້ງທຳອິດ.
ວັນທີ1ກັນຍາ2023, ຈີນໄດ້ປະກາດໃຊ້ກົດໝາຍວ່າດ້ວຍການສ້າງສະພາບແວດລ້ອມທີ່ອຳນວຍຄວາມສະດວກຢ່າງເປັນທາງການ, ໂດຍແຫ່ງຕ່າງໆ ແລະຂະແໜງການຕ່າງໆໄດ້ອອກແຮງຢ່າງສຸດຂີດເພື່ອຊຸກຍູ້ໃຫ້ການສ້າງສະພາບແວດລ້ອມທີ່ອຳນວຍຄວາມສະດວກໄດ້ພັດທະນາໄປດ້ວຍຄຸນນະພາບສູງ.
ກະຊວງວຽກງານປະຊາສົງເຄາະ, ຫ້ອງການໜ່ວຍນຳພາວຽກງານຊົນນະບົດສູນກາງ, ກະຊວງການເງິນ ແລະ ພາກສ່ວນອື່ນໆຂອງຈີນໄດ້ສ້າງນະໂຍບາຍໂດຍຂະຫຍາຍຂອບເຂດປະຕິບັດນະໂຍບາຍກ່ຽວກັບການຮ້ອງຂໍເງິນອຸດໜູນປະກັນຊີວິດຂັ້ນພື້ນຖານສຳລັບຄອບຄົວຄົນພິການທີ່ຢູ່ຜູ້ດຽວທີ່ມີຄວາມຫຍຸ້ງຍາກພິເສດໃຫ້ເຂົ້າເຖິງກຸ່ມຄົນຫຍຸ້ງຍາກພິເສດເຊັ່ນ ຄົນພິການທີ່ຕ້ອງອາໄສຜູ້ເຖົ້າເບິ່ງແຍງລ້ຽງດູ, ຄົນພິການລະດັບສາຫັດທີ່ບໍ່ມີວຽກເຮັດງານທຳແລະອື່ນໆ. ນັບມາຮອດທ້າຍປີ2022, ຄົນພິການຈຳນວນ10.455.000 ຄົນໄດ້ຖືກຈັດເຂົ້າໃນຂອບເຂດເປົ້າໝາຍປະກັນຊີວິດຂັ້ນພື້ນຖານແລ້ວ.
ລະບົບບໍລິການເພື່ອໃຫ້ຄວາມເມດຕາຄົນພິການໄດ້ຮັບການປັບປຸງໃຫ້ສົມບູນຂຶ້ນເລື້ອຍໆ
ລະຫວ່າງປີ2021ຫາ2022, ຄົນພິການຈຳນວນ17.074.600ຄົນໄດ້ເຂົ້າເຖິງການບໍລິການຟື້ນຟູສຸຂະພາບຂັ້ນພື້ນຖານ. ໃນທົ່ວປະເທດຈີນມີແຂວງ(ເຂດປົກຄອງຕົນ,ກຳແພງນະຄອນ)20ແຫ່ງໄດ້ວາງນະໂຍບາຍກ່ຽວກັບເງິນອຸດໜູນອຸປະກອນຊ່ວຍຄົນພິການຕາມຄວາມເໝາະສົມ.
ການສຶກສາສ້າງອະນາຄົດທີ່ດີງາມກວ່າເກົ່າໃຫ້ກັບຄົນພິການ
ຫຼາຍພາກສ່ວນໄດ້ປະສານສົມທົບກັນຊຸກຍູ້ການສຶກສາພິເສດຂະຫຍາຍຕົວແບບໃຫ້ຜົນປະໂຫຍດຢ່າງທົ່ວເຖິງ, ນັບມາຮອດເດືອນພຶດສະພາປີ2023,ຈີນມີນັກຮຽນນັກສຶກສາປຜູ້ພິການທີ່ໄດ້ຮັບທຶນຊ່ວຍເຫຼືອດ້ານການສຶກສາບັນລຸ 1.362.000 ເທື່ອຄົນ, ນັກຮຽນຜູ້ພິການຫຼາຍກວ່າ30.000ຄົນໄດ້ຖືກສະຖາບັນການສຶກສາຊັ້ນສູງຮັບເຂົ້າເປັນນັກສຶກສາ.
*ຂໍ້ມູນຈາກເຟດບຸກ: CRI-FM93

Gov-x ເປັນລະບົບສູນລວມຂໍ້ມູນ ແລະ ການບໍລິການຂອງພາກລັດ ເພື່ອສ້າງເງື່ອນໄຂໃຫ້ ປະຊາຊົນ, ທຸລະກິດ ແລະ ພະນັກງານທີ່ເຮັດການບໍລິການສາທາລະນະ ໃນການເຂົ້າຫາຂໍ້ມູນ ແລະ ການບໍລິການຂອງພາກລັດຜ່ານປະຕູດຽວ ເທິງເຄື່ອງໂທລະສັບມືຖືສະມາດໂຟນ, ໂດຍປະກອບມີລະບົບບໍລິການເບື້ອງຕົ້ນດັ່ງນີ້:
• ລະບົບລົງທະບຽນເລກໝາຍໂທລະສັບດ້ວຍຕົນເອງ (3 ແກຣັບ),​ ແມ່ນແອັບທີ່ໃຫ້ປະຊາຊົນ ສາມາດລົງທະບຽນເລກໝາຍໂທລະສັບດ້ວຍຕົນເອງໄດ້ຜ່ານລະບົບອອນລາຍ ຕະຫຼອດ 24 ຊົ່ວໂມງ.
• ລະບົບກວດສອບຂໍ້ມູນບັດປະກັນສັງຄົມ (LSSO) ເຊິ່ງຜູ້ນຳໃຊ້ບໍລິການສາມາດເຂົ້າໄປກວດສອບຂໍ້ມູນບັດປະກັນສັງຄົມຂອງຕົນໂດຍການປ້ອນລະຫັດບັດເຂົ້າແລ້ວ ລະບົບຈະສະແດງຂໍ້ມູນພື້ນຖານປະກັນສັງຄົມເຊັ່ນ: ຊື່ໂຮງໝໍ ແລະ ຂໍ້ມູນປະກັນສັງຄົມຂອງຄອບຄົວ.
• ລະບົບຄັງປັນຍາລາວ ເປັນລະບົບສື່ການສອນແບບອອນລາຍ, ຜູ້ໃຊ້ສາມາດເຂົ້າໄປຮຽນວິຊາຕ່າງໆຕັ້ງແຕ່ລະດັບ ປໍ1 ໄປຈົນຮອດ ມໍ7 ແລະ ມີຫຼັກສູດສຳລັບການເພີ່ມທັັກສະໃນການສອນໃຫ້ກັບອາຈານ ໂດຍບໍ່ເສຍຄ່າ.
• ລະບົບລວມສູນແບບຟອມ ແລະ ເອກະສານທາງການ ເພື່ອໃຫ້ປະຊາຊົນ ສາມາດ download ແລ້ວປະກອບເອກະສານ ຕ່າງໆ ໄດ້ຢ່າງວ່ອງໄວ ໂດຍບໍ່ຈຳເປັນເດີນທາງໄປປ່ອງບໍລິການ.
• ລະບົບຂໍ້ມູນວິສາຫະກິດແຫ່ງຊາດ (NED) ເພື່ອກວດສອບທະບຽນວິສາຫະກິິດຂອງບັນດາບໍລິສັດວິສາຫະກິດ, ບໍລິສັດ ແລະ ຫ້າງຮ້ານຕ່າງໆ ວ່າໄດ້ຈົດທະບຽນວິສາຫະກິດແລ້ວຫຼືບໍ່.
• ລະບົບໃບຂັບຂີ່ດິຈິຕອນ (e-Driving License) ເພື່ອລົງທະບຽນໃບຂັບຂີ່ໃຫ້ເປັນຮູບແບບດິຈິຕອນ, ປະຈຸບັນ ແມ່ນກຳລັງດຳເນີນການປະສານສົມທົບກັບກົມຂົນສົ່ງ, ກະຊວງໂຍທາທິການ ແລະ ຂົນສົ່ງ ໃນການເຊື່ອມຕໍ່ຂໍ້ມູນກັບລະບົບຖານຂໍ້ມູນໃບຂັບຂີ່.
ລະບົບ Gov-X ຈະເປັນຊ່ອງທາງໃນການໂຄສະນາ, ສົ່ງເສີມ ແລະ ຊຸກຍູ້ໃຫ້ປະຊາຊົນມີການນຳໃຊ້ລະບົບຕ່າງໆທີ່ທາງພາກລັດໄດ້ເປີດໃຫ້ບໍລິການ, ເປັນລະບົບທີ່ຮວບຮວມເອົາບັນດາລະບົບຕ່າງຂອງພາກລັດທີ່ບໍລິການໃຫ້ປະຊາຊົນໄວ້ຢູ່ບ່ອນດຽວ ເພື່ອໃຫ້ປະຊາຊົນສາມາດເຂົ້າເຖິງບໍລິການຕ່າງໆໄດ້ງ່າຍດ້ວຍແອັບດຽວ ຊຶ່ງສາມາດດາວໂຫຼດໄດ້ທີ່ App Store ແລະ Play Store ແລະ ຍັງມີຫຼາຍການບໍລິການຂອງພາກລັດທີ່ຈະເຊື່ອມໂຍ່ງຕື່ມໃນອານາຄົດ.
ຈັດຕັ້ງປະຕິບັດໂດຍ ກະຊວງເຕັກໂນໂລຊີ ແລະ ການສື່ສານ ສະໜັບສະໜຸນໂດຍ ອົງການສະຫະປະຊາຊາດເພື່ອການພັດທະນາ UNDP ປະຈຳ ສປປ ລາວ
#GovX #undplao

Gov-x ເປັນລະບົບສູນລວມຂໍ້ມູນ ແລະ ການບໍລິການຂອງພາກລັດ ເພື່ອສ້າງເງື່ອນໄຂໃຫ້ ປະຊາຊົນ, ທຸລະກິດ ແລະ ພະນັກງານທີ່ເຮັດການບໍລິການສາທາລະນະ ໃນການເຂົ້າຫາຂໍ້ມູນ ແລະ ການບໍລິການຂອງພາກລັດຜ່ານປະຕູດຽວ ເທິງເຄື່ອງໂທລະສັບມືຖືສະມາດໂຟນ, ໂດຍປະກອບມີລະບົບບໍລິການເບື້ອງຕົ້ນດັ່ງນີ້:
• ລະບົບລົງທະບຽນເລກໝາຍໂທລະສັບດ້ວຍຕົນເອງ (3 ແກຣັບ),​ ແມ່ນແອັບທີ່ໃຫ້ປະຊາຊົນ ສາມາດລົງທະບຽນເລກໝາຍໂທລະສັບດ້ວຍຕົນເອງໄດ້ຜ່ານລະບົບອອນລາຍ ຕະຫຼອດ 24 ຊົ່ວໂມງ.
• ລະບົບກວດສອບຂໍ້ມູນບັດປະກັນສັງຄົມ (LSSO) ເຊິ່ງຜູ້ນຳໃຊ້ບໍລິການສາມາດເຂົ້າໄປກວດສອບຂໍ້ມູນບັດປະກັນສັງຄົມຂອງຕົນໂດຍການປ້ອນລະຫັດບັດເຂົ້າແລ້ວ ລະບົບຈະສະແດງຂໍ້ມູນພື້ນຖານປະກັນສັງຄົມເຊັ່ນ: ຊື່ໂຮງໝໍ ແລະ ຂໍ້ມູນປະກັນສັງຄົມຂອງຄອບຄົວ.
• ລະບົບຄັງປັນຍາລາວ ເປັນລະບົບສື່ການສອນແບບອອນລາຍ, ຜູ້ໃຊ້ສາມາດເຂົ້າໄປຮຽນວິຊາຕ່າງໆຕັ້ງແຕ່ລະດັບ ປໍ1 ໄປຈົນຮອດ ມໍ7 ແລະ ມີຫຼັກສູດສຳລັບການເພີ່ມທັັກສະໃນການສອນໃຫ້ກັບອາຈານ ໂດຍບໍ່ເສຍຄ່າ.
• ລະບົບລວມສູນແບບຟອມ ແລະ ເອກະສານທາງການ ເພື່ອໃຫ້ປະຊາຊົນ ສາມາດ download ແລ້ວປະກອບເອກະສານ ຕ່າງໆ ໄດ້ຢ່າງວ່ອງໄວ ໂດຍບໍ່ຈຳເປັນເດີນທາງໄປປ່ອງບໍລິການ.
• ລະບົບຂໍ້ມູນວິສາຫະກິດແຫ່ງຊາດ (NED) ເພື່ອກວດສອບທະບຽນວິສາຫະກິິດຂອງບັນດາບໍລິສັດວິສາຫະກິດ, ບໍລິສັດ ແລະ ຫ້າງຮ້ານຕ່າງໆ ວ່າໄດ້ຈົດທະບຽນວິສາຫະກິດແລ້ວຫຼືບໍ່.
• ລະບົບໃບຂັບຂີ່ດິຈິຕອນ (e-Driving License) ເພື່ອລົງທະບຽນໃບຂັບຂີ່ໃຫ້ເປັນຮູບແບບດິຈິຕອນ, ປະຈຸບັນ ແມ່ນກຳລັງດຳເນີນການປະສານສົມທົບກັບກົມຂົນສົ່ງ, ກະຊວງໂຍທາທິການ ແລະ ຂົນສົ່ງ ໃນການເຊື່ອມຕໍ່ຂໍ້ມູນກັບລະບົບຖານຂໍ້ມູນໃບຂັບຂີ່.
ລະບົບ Gov-X ຈະເປັນຊ່ອງທາງໃນການໂຄສະນາ, ສົ່ງເສີມ ແລະ ຊຸກຍູ້ໃຫ້ປະຊາຊົນມີການນຳໃຊ້ລະບົບຕ່າງໆທີ່ທາງພາກລັດໄດ້ເປີດໃຫ້ບໍລິການ, ເປັນລະບົບທີ່ຮວບຮວມເອົາບັນດາລະບົບຕ່າງຂອງພາກລັດທີ່ບໍລິການໃຫ້ປະຊາຊົນໄວ້ຢູ່ບ່ອນດຽວ ເພື່ອໃຫ້ປະຊາຊົນສາມາດເຂົ້າເຖິງບໍລິການຕ່າງໆໄດ້ງ່າຍດ້ວຍແອັບດຽວ ຊຶ່ງສາມາດດາວໂຫຼດໄດ້ທີ່ App Store ແລະ Play Store ແລະ ຍັງມີຫຼາຍການບໍລິການຂອງພາກລັດທີ່ຈະເຊື່ອມໂຍ່ງຕື່ມໃນອານາຄົດ.
ຈັດຕັ້ງປະຕິບັດໂດຍ ກະຊວງເຕັກໂນໂລຊີ ແລະ ການສື່ສານ ສະໜັບສະໜຸນໂດຍ ອົງການສະຫະປະຊາຊາດເພື່ອການພັດທະນາ UNDP ປະຈຳ ສປປ ລາວ
#GovX #undplao
https://fb.watch/mI5mIRkqNj/

ຈົ່ງໃຫ້ຄວາມສຳຄັນຄອບຄົວ ຫຼາຍກວ່າຄົນອື່ນ ແລ້ວຄອບຈະມີແຕ່ຄວາມສຸກ

ວັນທີ 12 ສິງຫາ 2023, ທ່ານ ສອນໄຊ ສີພັນດອນ ນາຍົກລັດຖະມົນຕີ, ພ້ອມດ້ວຍຄະນະ ໄດ້ເຄື່ອນໄຫວຕິດຕາມຊຸກຍູ້ກວດກາສະພາບຜົນກະທົບຈາກໄພນໍ້າຖ້ວມ ແລະ ຕິດຕາມຊຸກຍູ້ຄະນະສະເພາະກິດການແກ້ໄຂບັນຫາເຄັງຮ້ອນດ້ານເສດຖະກິດການເງິນ ຢູ່ແຂວງຄໍາມ່ວນ.

ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ລາຍງານສະພາບການພັດທະນາເສດຖະກິດ-ສັງຄົມຂອງແຂວງ ໂດຍສະເພາະວຽກງານພົ້ນເດັ່ນໄລຍະ 6 ເດືອນຕົ້ນປີ ແລະ ສະພາບນໍ້າຖ້ວມ ຕະຫລອດເຖິງຜົນເສຍຫາຍໃນທົ່ວແຂວງ ເຊິ່ງນັບແຕ່ທ້າຍເດືອນ ກໍລະກົດ 2023 ມາຮອດປັດຈຸບັນ ເກີດມີຝົນຕົກໜັກຕິດຕໍ່ກັນຫລາຍວັນເຮັດໃຫ້ລະດັບນໍ້າຕາມສາຂາຕ່າງໆ ມີການເພີ່ມຂຶ້ນຢ່າງໄວວາ, ເຮັດໃຫ້ມີສະພາບດິນເຈື່ອນ, ນ້ຳຖ້ວມຊຸ, ນ້ຳຖ້ວມຍື່ງ ເຊິ່ງໄດ້ສົ່ງຜົນກະທົບເສຍຫາຍຢ່າງຫລວງຫລາຍໃນ 10 ຕົວເມືອງທົ່ວແຂວງ, ເຊິ່ງບ້ານທີ່ໄດ້ຮັບຜົນກະທົບທັງໝົດ 123 ບ້ານ; 6.027 ຄອບຄົວ ແລະ ມີເນື້ອທີ່ນາ, ເນື້ອທີ່ສວນ ແລະ ເນື້ອທີ່ປູກພຶດຕ່າງໆ ຖືກນໍ້າຖ້ວມ 11.394,17 ເຮັກຕາ. ເລົ້າເຂົ້າ, ກົງເຕີໄຟຟ້າ, ພາຫະນະ ຖືກນໍ້າຖ້ວມ, ພື້ນຖານໂຄງລ່າງຈຳນວນໜຶ່ງຖືກເສຍຫາຍຈາກດິນເຊາະເຈື່ອນ, ພ້ອມນັ້ນກໍມີສັດລ້ຽງຂອງປະຊາຊົນທີ່ລົ້ມຕາຍ ແລະ ສູນຫາຍເປັນຈຳນວນຫລວງຫລາຍ ມາຮອດປັດຈຸບັນເຫັນວ່າສະພາບນ້ຳມີທ່າອ່ຽງຫລຸດລົງ.

ໂອກາດນີ້, ທ່ານ ນາຍົກລັດຖະມົນຕີ ໃນນາມຕາງໜ້າລັດຖະບານໄດ້ສະແດງຄວາມເປັນຫ່ວງເປັນໄຍຕໍ່ພໍ່ແມ່ປະຊາຊົນຜູ້ປະສົບໄພ ແລະ ໄດ້ສະແດງຄວາມຊົມເຊີຍມາຍັງຄະນະນໍາຂອງແຂວງ, ຄະນະໄພພິບັດແຕ່ລະຂັ້ນພາຍໃນແຂວງ ທີ່ເປັນເຈົ້າການນໍາພາແກ້ໄຂບັນຫາຜົນກະທົບຄັ້ງນີ້ໃຫ້ຜ່ອນຄາຍລົງ. ພ້ອມທັງເນັ້ນໃຫ້ພາກສ່ວນກ່ຽວຂ້ອງສືບຕໍ່ຄົ້ນຫາຜູ້ສູນຫາຍຈາກດິນເຫດເຈື່ອນ, ສືບຕໍ່ໂຄສະນາເປັນເຈົ້າການແຈ້ງເຕືອນໃຫ້ປະຊາຊົນມີສະຕິໃນການຕິດຕາມເຝົ້າລະວັງຜົນກະທົບທາງທໍາມະຊາດທີ່ອາດຈະເກີດຂຶ້ນອີກ, ຕໍ່ກັບໄພນໍ້າຖ້ວມໃຫ້ສຸ່ມໃສ່ແກ້ໄຂຊີວິດການເປັນຢູ່ຂອງປະຊາຊົນໃຫ້ເປັນບູລິມະສິດເປັນວຽກທີ່ສືບຕໍ່, ດ້ານວຽກງານການຊົດເຊີຍຜົນເສຍຫາຍມອບໃຫ້ກະຊວງແຮງງານ ແລະ ສະຫວັດດີການສັງຄົມ ສົມທົບກັບຂະແໜງການກ່ຽວຂ້ອງເກັບກໍາຂໍ້ມູນຜົນເສຍຫາຍ ແລະ ດໍາເນີນການຊົດເຊີຍຕາມເງື່ອນໄຂຄວາມເປັນຈິງ ໃນການຟື້ນຟູຊີວິດການເປັນຢູ່ຂອງປະຊາຊົນ ໃຫ້ກັບຄືນສູ່ສະພາບປົກກະຕິໂດຍໄວ.

ຂ່າວ: ແຂວງຄຳມ່ວນ

#ຂ່າວພາຍໃນລາວພັດທະນາ #ນາຍົກ #ຕິດຕາມຜົນກະທົບນ້ຳຖ້ວມ #ແຂວງຄຳມ່ວນ
_______@_______
ສະໜັບສະໜູນຂ່າວໂດຍ:
ບໍລິສັດ ອາລີອັນສ ປະກັນໄພລາວ ໂທ: 021 215 903
ທະນາຄານພັດທະນາລາວ 021 213 300
_______@_______
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://twitter.com/laophattana
Instagram: https://www.instagram.com/lao_phattana_news/
Tiktok: https://www.tiktok.com/@laophattana_news
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

ດອນກົກສາ ອ່າງນ້ຳຊວງ ລະດູຝົນ️

ບັນຍາກາດດີດີເຢັນສະບາຍເໜາະແກ່ການມາພັກຜ່ອນຕັ້ງແຄັມແບບຄອບຄົວ ຫຼຶ ມາກັບໝູ່ເປັນກຸ່ມກໍໄດ້


ສະຖານທີ່: ດອນກົກສາ ບ້ານບົວ ເມືອງນາຊາຍທອງ ແຂວງນະຄອນຫຼວງວຽງຈັນ

ແຜນທີ່: https://maps.app.goo.gl/CRBgkg27WWbd3S1r9?g_st=ic

#ຊິວເດ້ #Chillday #ດອນກົກສາ #ອ່າງນ້ຳຊວງ