👏 ຂ່າວດີ !!! ກົມພັດທະນາວິຊາຊີບຊາວໜຸ່ມ ສູນກາງຊາວໜຸ່ມປະຊາຊົນປະຕິວັດລາວ ຂໍຖືເປັນກຽດແຈ້ງມາຍັງ ບັນດາຊາວ ໜຸ່ມເພດຊາຍຜູ້ທີ່ມີຄວາມສົນໃຈມັກຮັກວິຊາຊີບ ແລະ ຢາກຝຶກອົບຮົມວິຊາຊີບ ! ປັດຈຸບັນ ທາງກົມພັດທະນາວິຊາຊີບ ຊາວໜຸ່ມ ຮ່ວມກັບ ສູນຝຶກອົບຮົມວິຊາຊີບຊາວໜຸ່ມຕອນບອສໂກ ໄດ້ເປິດຮັບສະໝັກນັກຮຽນ 2 ສາຂາຄື: ຊ່າງ ສ້ອມແປງລົດຈັກ ແລະ ຊ່າງເຕັກນິກອຸດສະຫະກໍາ(ເຊື່ອມຈອດ) ຫຼັກສູດການຮຽນການສອນແມ່ນໄລຍະເວລາ 6 ເດືອນ ໃນລະຫວ່າງ ວັນທີ 17 ຕຸລາ 2023- 6 ເມສາ 2024 ທີ່ສູນຝຶກອົບຮົມວິຊາຊີບຊາວໜຸ່ມດອນບອສໂກ ທີ່ ນະຄອນຫຼວງວຽງຈັນ. ເງື່ອນໄຂການສະໝັກ: - ຕ້ອງເປັນຊາວໜຸ່ມເພດຊາຍໂສດ - ມີອາຍຸແຕ່ 15 - 30 ປີ - ຟິຣຄ່າຮຽນ, ຟຣີຄຳຫໍພັກ - ປະກອບສ່ວນເຂົ້າສານ ຈຳນວນ 75 ກິໂລຕໍ່ຄົນ (ຖ້າຜູ້ຂາດເຂີນແມ່ນຍົກເວັ້ນ) • ທຶນມີຈຳນວນຈຳກັດສະໝັກໄວມີສິດໄດ້ຮັບບຸລິມະສິດກ່ອນ • ເປີດຮັບສະໝັກລົງທະບຽນເລີ່ມແຕ່ມື້ອອກແຈ້ງການເປັນຕົ້ນໄປ ແລະ ປິດຮັບສະໝັກວັນທີ 10/10 /2023 ສາມາດສະໝັກໄດ້ທີ່ພະແນກພັດທະນາສີມືແຮງງານ ກົມພັດທະນາວິຊາຊີບຊາວໜຸ່ມສູນກາງຊາວໜຸ່ມປະຊາຊົນ ປະຕິວັດລາວ ແລະ ສູນຝຶກອົບຮົມວິຊາຊີບຊາວໜຸ່ມດອນບອສໂກ ນະຄອນຫຼວງວຽງຈັນ. ດັ່ງນັ້ນ, ກົມພັດທະນາວິຊາຊີບຊາວໜຸ່ມ ສູນກາງຊາວໜຸ່ມປະຊາຊົນປະຕິວັດລາວ ຈຶ່ງແຈ້ງມາຍັງຊາວໜຸ່ມລາວຜູ້ ທີ່ມີຄວາມສົນໃຈຮັບຊາບ.