👏 ສຸດຍອດ !!! ສະຖາບັນເລືອດແຫ່ງຊາດ ໄດ້ຈັດພິທີຖະແຫຼງຂ່າວເປີດນໍາໃຊ້ການແຈ້ງຂໍ້ຄວາມເຊີນຊວນໃຫ້ມາບໍລິຈາກເລືອດທາງໂທລະສັບມືຖືຜ່ານອອນລາຍ Application on mobile phone “Lao Metta” ທີ່ພັດທະນາຂຶ້ນມາ ໂດຍ ທ່ານ ນາງ ໄຊຊາ ຊາກາ (Saieesha Sarkar) ນັກຮຽນໂຮງຮຽນ (VIS) ຂຶ້ນໃນວັນທີ 10 ສິງຫາ ນີ້ ທີ່ສະຖາບັນເລືອດແຫ່ງຊາດ. ທ່ານກ່າວຕື່ມວ່າ: ສະຖາບັນເລືອດແຫ່ງຊາດ ແລະ ສູນເລືອດແຂວງໃນທົ່ວປະເທດ ຂໍເຊີນຊວນ ພະນັກງານ-ລັດຖະກອນ, ທະຫານ, ຕຳຫຼວດ, ນັກຮຽນ-ນັກສຶກສາ, ພໍ່ຄ້າ-ຊາວຂາຍ ຕະຫຼອດເຖິງພໍ່ແມ່ປະຊາຊົນທົ່ວນະຄອນຫຼວງວຽງຈັນ ຫຼືບັນດາແຂວງ ທົ່ວປະເທດ ເຂົ້າຮ່ວມບໍລິຈາກເລືອດຊ່ວຍຊີວິດ ຫາກທ່ານມີເງື່ອນໄຂ ອາຍຸ 17-60 ປີ, ນໍ້າໜັກ 45 ກິໂລຂຶ້ນໄປ, ຢູ່ໃນໄລຍະທີ່ມີສຸຂະພາບແຂງແຮງດີ ແມ່ນຂໍເຊີນຊວນໄປຮ່ວມບໍລິຈາກເລືອດນຳພວກເຮົາທີ່ສະຖາບັນເລືອດແຫ່ງຊາດ ແລະ ສູນເລືອດແຂວງໃນທົ່ວປະເທດແລະ ທ່ານສາມາດຕິດຕັ້ງ ແອັບ Lao Metta ເທິງໂທລະສັບມືຖືຂອງທ່ານ ໂດຍຜ່ານທາງ Play Store and App Store. ໜັງສືພິມປະຊາຊົນ (ຂ່າວ-ພາບ: ສຳນານ)