# ຕອນເຊົ້າ ມື້ທີ3
ຕອນເຊົ້າ ວັນທີ 4 ສິງຫາ 2023 ສະມາຊິກສະພາປະຊາຊົນແຂວງ ມີຄຳເຫັນ ພ້ອມທັງ ຊັກຖາມກ່ຽວກັບການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂຢາເສບຕິດ; ວຽກຂອງອົງການໄອຍະການປະຊາຊົນແຂວງ ແລະ ວຽກຂອງສານປະຊາຊົນແຂວງ ເປັນຕົ້ນແມ່ນ ບັນຫາການແກ້ໄຂຢາເສບຕິດ, ການປະຕິບັດໜ້າທີ່ຂອງເຈົ້າໜ້າທີ່ ແລະ ບັນຫາອື່ນໆທີ່ສັງຄົມມີຄວາມສົນໃຈ.
ຈາກນັ້ນ ທ່ານ ພັທ ຄຳແພງ ແກ້ວມົນທອງ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງຫົວພັນ; ທ່ານ ກິ່ງເພັດ ບົວລະພັນ ຫົວໜ້າອົງການໄອຍະການປະຊາຊົນແຂວງ ແລະ ທ່ານ ທ່ານ ພົມແພງ ສີວິໄລທອງ ຮອງປະທານສານປະຊາຊົນແຂວງ ກໍໄດ້ຊີ້ແຈງ ແລະ ອະທິບາຍເຖິງສາເຫດຕ່າງໆ ເປັນຕົ້ນແມ່ນ ບັນດາໂຕເລກບໍໄດ້ຕາມຄາດໝາຍ ແລະ ການປະຕິບັດຂອງເຈົ້າໜ້າທີ່ ທີ່ລະເມີດກົດໝາຍ ພາກສ່ວນຮັບຜິດຊອບວຽກງານດັ່ງກ່າວ ຂໍຄວາມຮ່ວມມືນຳທຸກພາກສ່ວນ ແລະ ທຸກຄົນ ຈົ່ງໃຫ້ຄວາມຮ່ວມມື ສົ່ງຂ່າວ ແລະ ຂໍ້ມູນ ໄປຍັງບ່ອນຜູ້ທີ່ລະເມີດກົດໝາຍ ທາງເຈົ້າໜ້າທີ່ ແລະຂະການແໜງການທີ່ຮັບຜິດຊອບ ຈະລົງກວດກາຄວາມເປັນຈິງ ແລະ ລົງໂທດ, ລົງວິໄນ ຕາມລະບຽບກົດໝາຍຕໍ່ຜູ້ກະທຳຜິດແທ້.