ລົງນາມບົດບັນທຶກຄວາມເຂົ້າໃຈ ສຶກສາຄວາມເປັນໄປໄດ້ ກ່ຽວກັບການຮ່ວມມື ໃນການນຳໃຊ້ເຕັກໂນໂລຊີດາວທຽມນຳທາງເຂົ້າໃນຂົງເຂດການຂົນສົ່ງ ------------------------------------ ໃນອາທິດຜ່ານມານີ້, ກົມເຕັກໂນໂລຊີ ແລະ ນະວັດຕະກຳ, ກະຊວງເຕັກໂນໂລຊີ ແລະ ການສື່ສານ, ສປປ ລາວ ແລະ ສູນ ຈີນ-ອາຊຽນ ດາວທຽມເປີຍໂຕ່ GNSS (ນານນິງ), ສປ ຈີນ ໄດ້ຮ່ວມກັນລົງນາມເຊັນບົດບັນທຶກຄວາມເຂົ້າໃຈ ສຶກສາຄວາມເປັນໄປໄດ້ ກ່ຽວກັບການຮ່ວມມື ໃນການນຳໃຊ້ເຕັກໂນໂລຊີດາວທຽມນຳທາງເຂົ້າໃນຂົງເຂດການຂົນສົ່ງ (ການຄຸ້ມຄອງຍານພາຫະນະ) ທີ່ ແຂວງ ນານນິງ, ສປ ຈີນ. ຈຸດປະສົງຂອງການຮ່ວມມືແມ່ນເພື່ອ ສ້າງລະບົບການຄຸ້ມຄອງການຂົນສົ່ງ ແຫ່ງຊາດ, ຄຸ້ມຄອງລະບົບລົດເມທ່ອງທ່ຽວ, ລົດເມໄລຍະທາງໄກ, ພາຫະນະຂົນສົ່ງສິນຄ້າທີ່ເປັນອັນຕະລາຍ, ລົດແທັກຊີ່ ແລະ ອື່ນໆ ໂດຍນຳໃຊ້ແພັລດຟອມ ທີ່ເປັນມາດຕະຖານແຫ່ງຊາດ ເພື່ອຂະຫຍາຍໄປສູ່ການຄຸ້ມຄອງການຈາລະຈອນ ແລະ ຂະຫຍາຍເຂດບໍລິການຫລາຍຂຶ້ນ. ພ້ອມກັນນັ້ນ, ຍັງຈະໄດ້ມີການເພີ່ມການຝຶກອົບຮົມທາງດ້ານວິຊາຊີບໃຫ້ແກ່ພະນັກງານວິຊາການ ສປປ ລາວ ນຳອີກ. ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la