ອີງຕາມຜົນການສຳຫລວດກຳລັງແຮງງານ ຄັ້ງທີ III ປີ 2022 (ການສຳຫລວດແບບຕົວແທນລະດັບຊາດ). ໃນປີ 2022 ສປປ ລາວ ມີພົນລະເມືອງທັງໝົດ 7.4 ລ້ານຄົນ, ໃນນັ້ນ ພົນລະເມືອງໃນເກນອາຍຸອອກແຮງງານ (ຜູ້ມີອາຍຸ 15 ປີຂຶ້ນໄປ) ມີທັງໝົດ 5.3 ລ້ານຄົນ ກວມເອົາ 71.6% ຂອງພົນລະເມືອງທັງໝົດ. ສ່ວນໃຫຍ່ແມ່ນອາໄສໃນເຂດຊົນນະບົດຈຳນວນ 3.5 ລ້ານຄົນ ກວມເອົາ 65.5%.... ພົນລະເມືອງທີ່ເປັນກຳລັງແຮງງານ ແມ່ນພົນລະເມືອງຜູ້ທີ່ມີອາຍຸ 15 ປີຂຶ້ນໄປທີ່ມີວຽກເຮັດງານທຳ ແລະ ຜູ້ທີ່ວ່າງງ່ານ ເຊິ່ງມີທັງໝົດ 2.5 ລ້ານຄົນ ກວມເອົາ 34.1% ຂອງພົນລະເມືອງທັງໝົດ. ກຳລັງແຮງງານສ່ວນໃຫຍ່ມີອາຍຸລະຫວ່າງ 25-64 ປີ ກວມເອົາ 78.7%ຂອງກຳລັງແຮງງານທັງໝົດ... ຜູ້ທີ່ມີວຽກເຮັດງານທຳມີທັງໝົດ 2.4 ລ້ານຄົນ... ແຫລ່ງຂໍ້ມູນ: ສູນສະຖິຕິແຫ່ງຊາດ ລາຍລະອຽດສາມາດດາວໂຫລດໄດ້ທີ່ https://laosis.lsb.gov.la #ສູນສະຖິຕິແລະຂໍ້ມູນຂ່າວສານ #ກົມແຜນການແລະການຮ່ວມມື #ກະຊວງອຸດສາຫະກຳແລະການຄ້າ

ແຈ້ງການ ການຂື້ນທະບຽນການຄ້າ ດ້ວຍລະບົບອອນໄລນ໌

ອັດຕາເງິນເຟີ້ເດືອນ ກໍລະກົດ 2023 ແມ່ນ 27.8%. ໝວດສິນຄ້າທີ່ມີອັດຕາເງິນເຟີ້ສູງກວ່າໝູ່ແມ່ນ ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫລົ້າ ເພີ່ມຂຶ້ນ 37.81%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 32.8%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 28.5%, ໝວດເຄື່ອງໃຊ້ໃນເຮືອນເພີ່ມຂຶ້ນ 24.7%, ໝວດເຫລົ້າ ລະ ຢາສູບ ເພີ້ມຂຶ້ນ 21.9%, ໝວດຮັກສາຸຂະພາບ ແລະ ຢາ ເພີ້ມຂຶ້ນ 20.8%, ໝວດທີພັກອາໄສ ນໍ້າປະປາ ໄຟຟ້າ ແລະ ເຊື້ອເພີງຫຸງຕົ້ມ ເພີ່ຂຶ້ຮ 16.8%, ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 14%, ໝວດຄົມມະນາຄົມ ແລະ ຂົນສົ່ງເພີ່ມຂຶ້ນ 14.5%. ສາເຫດຫລັກຂອງການເພີ່ມຂຶ້ນຂອງອັດຕາເງິນເຟີ້ໃນເດືອນນີ້ກໍ່ຄືໄລຍະຜ່ານມາຍັງແມ່ນປັດໄຈມາຈາກອັດຕາແລກປ່ຽນເງິນຕາຕ່າງປະເທດ, ການຄຸ້ມຄອງລາຄາ ແລະ ການປ່ຽນແປງດິນຟ້າອາກາດ. ລາຍລະອຽດສາມາດ ດາວໂຫລດເອກະສານໄດ້ທີ່ www.lsb.gov.la ແຫລ່ງຂໍ້ມູນ: ສູນສະຖິຕິແຫ່ງຊາດ #ສູນສະຖິຕິແລະຂໍ້ມູນຂ່າວສານ #ກົມແຜນການແລະການຮ່ວມມື #ກະຊວງອຸດສາຫະກຳແລະການຄ້າ