ສະມາຊິກສາມາດລົງທະບຽນ ຜ່ານການສະແກນໄດ້ແລ້ວ

ບ້ານເຮົາມັນກະສ່ຳບ້ານເຮົານີ້ລະ🐟🌾💚

ສະພາການຄ້າ ແລະ ອຸດສາຫະກຳແຂວງຫົວພັນ ໄດ້ສົມທົບກັບ ກຸ່ມອາສາສະໝັກໄວໜຸ່ມຊໍາເໜືອ ໄດ້ພ້ອມກັນຈັດງານສະເຫຼີມສະຫຼອງປະຊາຄົມອາຊຽນຄົບຮອບ56ປີ ຢູ່ທີ່ເດີ່ນໜ່ວຍແກ້ວ,ບ້ານພັນໄຊ ໃນວັນສຸກ,ວັນທີ່11/8/2023 ໃນເວລາ7.30ກາງຄືນ ເພຶ່ອໃຫ້ສັງຄົມໄດ້ຮັບຮູ້ເຖີງບົດບາດ ແລະ ຄວາມໝາຍຂອງປະຊາຄົມອາຊຽນ ພ້ອມທັງເປັນການດື້ງດູດການທ່ອງທ່ຽວຂອງແຂວງຫົວພັນ.https://fb.watch/mmJpl7fPFq/?mibextid=Nif5oz

ເຫັນແລ້ວກະອົດຄິດຮອດບ້ານບໍ່ໄດ້😊 Trust the timing in your life. #ອາຫານລາວ

📌ເສົາທິດນີ້ໄປທ່ຽວໃສ ຖ້າໃຜຍັງບໍ່ຮູ້ແອັດຂໍແນະນຳເລີຍ ຕາດຫົວເສືອ🐯 ບ້ານດ່ານຊີ ເປັນອີກຕາດທີ່ເໝາະຕໍ່ກາດໄປຫຼີ້ນນ້ຳໃນຊ້ວງລະດູຝົນນີ້ ທີ່ສຳຄັນ ຍັງຢູ່ໄກ້ນະຄອນຫຼວງອີກ ຂີ່ລົດບໍ່ຮອດຊົ່ວໂມງ ປະມານ 30 ກິໂລແມັດ ທາງໄປກໍ່ງ່າຍ ບໍ່ຍາກ. ໄປແລ້ວຢ່າລືມຮັກສາຄວາມສະອາດ ຮັກສາສິ່ງແວດລ້ອມຊ່ວຍກັນເດີ #TravelLAOS🇱🇦🇱🇦

ຂອບໃຈເຈົ້າໜ້າທີ່ ສະຖານີລົດໄຟ ໃຫ້ຄວາມສຳຄັນ, ຊ່ວຍອຳນວຍຄວາມສະດວກ ແລະ ໃຫ້ການຊ່ວຍເຫລືອ ໃນຫລາຍໆດ້ານ 🙏🙏🙏

ວັນທີ 11 ສິງຫາ 2023, ກະຊວງຖະແຫລງຂ່າວ, ວັດທະນະທໍາ ແລະ ທ່ອງ ທ່ຽວ (ຖວທ) ໄດ້ຈັດພິທີໂຮມຊຸມນຸມສະເຫລີມສະຫລອງວັນສ້າງຕັ້ງສື່ມວນຊົນ ແລະ ການພິມຈໍາໜ່າຍ ຄົບຮອບ 73 ປີ (13/8/1950 –13/8/2023), ໂດຍການເປັນປະທານຂອງທ່ານ ວັນສີ ກົວມົວ ຮອງລັດຖະມົນຕີ ກະຊວງ ຖວທ. ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງ ຖວທ ໄດ້ຍົກໃຫ້ເຫັນປະຫວັດ, ມູນເຊື້ອຂອງສື່ມວນຊົນ ແລະ ການພິມຈໍາໜ່າຍ 73 ປີ ແຫ່ງການເຕີບໃຫຍ່ຂະຫຍາຍຕົວຂອງການເຄື່ອນໄຫວວຽກງານສື່ມວນຊົນ ແລະ ການພິມຈໍາໜ່າຍ ຜ່ານມາ, ລວມທັງຜົນງານທີ່ພົ້ນເດັ່ນຂອງການເຄື່ອນໄຫວວຽກງານສື່ມວນຊົນ ແລະ ການພິມຈໍາໜ່າຍປະຈໍາປີ 2022-2023 ເຊິ່ງໃນຂົງເຂດສື່ມວນຊົນໄດ້ເອົາໃຈໃສ່, ໂຄສະນາການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX, ວຽກງານຈຸດສຸມຂອງລັດຖະບານ; ໄດ້ໂຄສະນາ ເພື່ອສະກັດກັ້ນການແຜ່ລະບາດຂອງພະຍາດຕ່າງໆ ເຊັ່ນ: ໂຄວິດ-19, ພະຍາດທີ່ເກີດຂຶ້ນຕາມລະດູການ ແລະ ການປ່ຽນແປງຂອງດິນຟ້າອາກາດ. ນອກນີ້, ໂທລະພາບແຫ່ງຊາດລາວ ຍັງໄດ້ມີການປັບປຸງ, ຄ່ອຍຫັນປ່ຽນຈາກລະບົບອານາລ໊ອກ ເປັນລະບົບດີຈີຕອນເທື່ອລະກ້າວ ໃນນັ້ນ, ສະຖານີໂທລະພາບແຫ່ງຊາດລາວ ຊ່ອງ 3 ແມ່ນໄດ້ຫັນເປັນລະບົບທີ່ທັນສະໄໝ (Full HD) ທັງອຸປະກອນການຜະລິດ ແລະ ເຄື່ອງສົ່ງ (ສຳລັບເຄື່ອງສົ່ງພາກພື້ນດິນເປັນລະບົບດີຈິຕອນ, ປັດຈຸບັນກຳລັງຂໍການອະນຸມັດ ຄາດວ່າຈະໄດ້ຮັບການຕິດຕັ້ງໃນໄວໆນີ້); ສາມາດຂະຫຍາຍຕາໜ່າງໂທລະໂຄ່ງລົງສູ່ທ້ອງຖິ່ນທົ່ວປະເທດ, ສ້າງສະຖານີວິທະຍຸຂັ້ນແຂວງສຳເລັດ 1 ແຫ່ງ ຢູ່ແຂວງບໍ່ແກ້ວ; ໄດ້ໂຄສະນາຕອບໂຕ້ຂ່າວບິດເບືອນ, ການໃສ່ຮ້າຍປ້າຍສີຂອງກຸ່ມຄົນບໍ່ດີຢ່າງທັນການ. ສຳລັບຂົງເຂດການພິມຈໍາໜ່າຍ ປັດຈຸບັນທົ່ວປະເທດມີໂຮງພິມ 79 ແຫ່ງ ແລະ ສຳນັກພິມ 17 ແຫ່ງ, ມີຮ້ານຈຳໜ່າຍປຶ້ມ-ສິ່ງພິມເກີດຂຶ້ນຢ່າງຫລວງຫລາຍ, ມີອົງການຈັດຕັ້ງທີ່ເຄື່ອນໄຫວວຽກງານພິມຈຳໜ່າຍເປັນຕົ້ນສະມາຄົມການພິມ, ສະມາຄົມນັກປະພັນລາວ, ສະໂມສອນນັກຂຽນໜຸ່ມສິນໄຊ, ສະໂມສອນສະແຫວງສິນ ແລະ ສະມາຄົມຫ້ອງສະໝຸດລາວ. ສັງລວມແລ້ວການຈັດພິມ ປີ 2022-2023, ສາມາດອອກທະບຽນພິມປຶ້ມໄດ້ທັງໝົດ 583 ຫົວເລື່ອງ, ຈໍານວນພິມ 2.847.819 ຫົວ. ໃນນີ້, ມີປຶ້ມຄວາມຮູ້ທົ່ວໄປ 18 ຫົວເລືອງ, ຈຳນວນພິມ 17.725 ຫົວ; ປຶ້ມປັດຊະຍາ 13 ຫົວເລື່ອງ, ຈຳນວນພິມ 18.710 ຫົວ; ປຶ້ມສິນທຳ 6 ຫົວເລື່ອງ, ຈຳນວນພິມ 8.500 ຫົວ; ປຶ້ມສັງຄົມສາດ 49 ຫົວເລື່ອງ, ຈຳນວນພິມ 36.440 ຫົວ; ປຶ້ມແບບຮຽນພາສາຕ່າງປະເທດ 144 ຫົວເລື່ອງ ເປັນຕົ້ນ. #ຂ່າວພາຍໃນລາວພັດທະນາ #ວັນສື່ມວນຊົນ ______@_______ ສະໜັບສະໜູນຂ່າວໂດຍ: ນໍ້າດື່ມຫົວເສືອ ນໍ້າດື່ມຄຸນນະພາບ _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088

ໃນນາມໜຶ່ງໃນຜູ້ເປັນພິການ ແລະ ຕ່າງໜ້າສະມາຄົມຄົນພິການແຫ່ງຊາດລາວ (ສພຊລ) ຂໍສະແດງຄວາມຂອບໃຈ, ຮູ້ບຸນຄຸນມາຍັງພັກລັດ, ຈິ່ງໃຈມາຍັງທຸກທ່ານ ຈາກທຸກພາກສ່ວນທີ່ໃຫ້ຄວາມສຳຄັນ ແລະ ຮ່ວມປະກອບຄຳຄິດເຫັນຊ່ວຍແບບສ້າາງສັນ ແລະ ກົງໄປກົງມາ, ຂໍໃຫ້ການປະຊຸ່ມ ແລະ ຂໍໃຫ້ພາບຖ່າຍຮູບລວມໃນຄັ້ງນີ້ສ້າງເປັນປະຫວັດສາດທີ່ດີໃຫ້ແກ່ພວກຂ້າພະເຈົ້າ ພວກທ່ານຄືຮີໂລໃນດວງໃຈຂອງຂ້ອຍ, ຂອບໃຈທຸກການປະກອບສ່ວນ ແລະ ຫວັງຢ່າງຍິງ ເຮົາຈະໄດ້ຮັບການສະໜັບການສະໜບສະໜູນຈາກພວກທ່ານຕື່ມໃນກອງປະຊຸ່ມອາທິດໜ້າ 🙏🙏🙏🙏

👏🏿ຂໍສະແດງຄວາມດີໃຈ ແລະ ຂໍສະແດງຄວາມຊົມເຊີຍ ບັນດານ້ອງນັກຮຽນ ທັງ 15 ຄົນທີ່ໄດ້ຮັບໃບປະກາສະນີຍະບັດແດງ ໃນສົກຮຽນ 2022-2023 ຂອງໂຮງຮຽນ ມສ ວຽງຈັນ

ວັນທີ 12 ສິງຫາ 2023, ທ່ານ ສອນໄຊ ສີພັນດອນ ນາຍົກລັດຖະມົນຕີ, ພ້ອມດ້ວຍຄະນະ ໄດ້ເຄື່ອນໄຫວຕິດຕາມຊຸກຍູ້ກວດກາສະພາບຜົນກະທົບຈາກໄພນໍ້າຖ້ວມ ແລະ ຕິດຕາມຊຸກຍູ້ຄະນະສະເພາະກິດການແກ້ໄຂບັນຫາເຄັງຮ້ອນດ້ານເສດຖະກິດການເງິນ ຢູ່ແຂວງຄໍາມ່ວນ. ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ລາຍງານສະພາບການພັດທະນາເສດຖະກິດ-ສັງຄົມຂອງແຂວງ ໂດຍສະເພາະວຽກງານພົ້ນເດັ່ນໄລຍະ 6 ເດືອນຕົ້ນປີ ແລະ ສະພາບນໍ້າຖ້ວມ ຕະຫລອດເຖິງຜົນເສຍຫາຍໃນທົ່ວແຂວງ ເຊິ່ງນັບແຕ່ທ້າຍເດືອນ ກໍລະກົດ 2023 ມາຮອດປັດຈຸບັນ ເກີດມີຝົນຕົກໜັກຕິດຕໍ່ກັນຫລາຍວັນເຮັດໃຫ້ລະດັບນໍ້າຕາມສາຂາຕ່າງໆ ມີການເພີ່ມຂຶ້ນຢ່າງໄວວາ, ເຮັດໃຫ້ມີສະພາບດິນເຈື່ອນ, ນ້ຳຖ້ວມຊຸ, ນ້ຳຖ້ວມຍື່ງ ເຊິ່ງໄດ້ສົ່ງຜົນກະທົບເສຍຫາຍຢ່າງຫລວງຫລາຍໃນ 10 ຕົວເມືອງທົ່ວແຂວງ, ເຊິ່ງບ້ານທີ່ໄດ້ຮັບຜົນກະທົບທັງໝົດ 123 ບ້ານ; 6.027 ຄອບຄົວ ແລະ ມີເນື້ອທີ່ນາ, ເນື້ອທີ່ສວນ ແລະ ເນື້ອທີ່ປູກພຶດຕ່າງໆ ຖືກນໍ້າຖ້ວມ 11.394,17 ເຮັກຕາ. ເລົ້າເຂົ້າ, ກົງເຕີໄຟຟ້າ, ພາຫະນະ ຖືກນໍ້າຖ້ວມ, ພື້ນຖານໂຄງລ່າງຈຳນວນໜຶ່ງຖືກເສຍຫາຍຈາກດິນເຊາະເຈື່ອນ, ພ້ອມນັ້ນກໍມີສັດລ້ຽງຂອງປະຊາຊົນທີ່ລົ້ມຕາຍ ແລະ ສູນຫາຍເປັນຈຳນວນຫລວງຫລາຍ ມາຮອດປັດຈຸບັນເຫັນວ່າສະພາບນ້ຳມີທ່າອ່ຽງຫລຸດລົງ. ໂອກາດນີ້, ທ່ານ ນາຍົກລັດຖະມົນຕີ ໃນນາມຕາງໜ້າລັດຖະບານໄດ້ສະແດງຄວາມເປັນຫ່ວງເປັນໄຍຕໍ່ພໍ່ແມ່ປະຊາຊົນຜູ້ປະສົບໄພ ແລະ ໄດ້ສະແດງຄວາມຊົມເຊີຍມາຍັງຄະນະນໍາຂອງແຂວງ, ຄະນະໄພພິບັດແຕ່ລະຂັ້ນພາຍໃນແຂວງ ທີ່ເປັນເຈົ້າການນໍາພາແກ້ໄຂບັນຫາຜົນກະທົບຄັ້ງນີ້ໃຫ້ຜ່ອນຄາຍລົງ. ພ້ອມທັງເນັ້ນໃຫ້ພາກສ່ວນກ່ຽວຂ້ອງສືບຕໍ່ຄົ້ນຫາຜູ້ສູນຫາຍຈາກດິນເຫດເຈື່ອນ, ສືບຕໍ່ໂຄສະນາເປັນເຈົ້າການແຈ້ງເຕືອນໃຫ້ປະຊາຊົນມີສະຕິໃນການຕິດຕາມເຝົ້າລະວັງຜົນກະທົບທາງທໍາມະຊາດທີ່ອາດຈະເກີດຂຶ້ນອີກ, ຕໍ່ກັບໄພນໍ້າຖ້ວມໃຫ້ສຸ່ມໃສ່ແກ້ໄຂຊີວິດການເປັນຢູ່ຂອງປະຊາຊົນໃຫ້ເປັນບູລິມະສິດເປັນວຽກທີ່ສືບຕໍ່, ດ້ານວຽກງານການຊົດເຊີຍຜົນເສຍຫາຍມອບໃຫ້ກະຊວງແຮງງານ ແລະ ສະຫວັດດີການສັງຄົມ ສົມທົບກັບຂະແໜງການກ່ຽວຂ້ອງເກັບກໍາຂໍ້ມູນຜົນເສຍຫາຍ ແລະ ດໍາເນີນການຊົດເຊີຍຕາມເງື່ອນໄຂຄວາມເປັນຈິງ ໃນການຟື້ນຟູຊີວິດການເປັນຢູ່ຂອງປະຊາຊົນ ໃຫ້ກັບຄືນສູ່ສະພາບປົກກະຕິໂດຍໄວ. ຂ່າວ: ແຂວງຄຳມ່ວນ #ຂ່າວພາຍໃນລາວພັດທະນາ #ນາຍົກ #ຕິດຕາມຜົນກະທົບນ້ຳຖ້ວມ #ແຂວງຄຳມ່ວນ _______@_______ ສະໜັບສະໜູນຂ່າວໂດຍ: ບໍລິສັດ ອາລີອັນສ ປະກັນໄພລາວ ໂທ: 021 215 903 ທະນາຄານພັດທະນາລາວ 021 213 300 _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088