ສລດ ກິດຈະກໍາຝຶກອົບຮົມການສ້າງຄວາມອາດສາມາດໃນການນຳໃຊ້ລະບົບປັນຍາປະດິດ (AI) ແລະ ພາສາ Python Programming ຂັ້ນພື້ນຖານ ໃຫ້ແກ່ພະນັກງານ ພາຍໃນ ກຕສ
-------------------------------------------------------------
ສູນບໍລິຫານລັດດິຈິຕ໋ອນ (ສລດ), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກິດຈະກໍາເປີດຝຶກອົບຮົມການສ້າງຄວາມອາດສາມາດໃນການນຳໃຊ້ລະບົບ AI ແລະ ພາສາ Python Programming ຂັ້ນພື້ນຖານ ໃຫ້ແກ່ພະນັກງານ ພາຍໃນ ກຕສ ຂຶ້ນໃນວັນທີ 03 ສິງຫາ 2023 ທີ່ຜ່ານມານີ້, ທີ່ຫ້ອງປະຊຸມຊັ້ນ 4 ຂອງ ກຕສ, ໂດຍການເປັນປະທານຂອງ ທ່ານ ນາງ ວັນນະພາ ພົມມະທັນສີ ຮອງຫົວໜ້າສູນບໍລິຫານລັດດິຈິຕ໋ອນ, ຊຶ່ງມີບັນດາກົມ/ສູນທຽບເທົ່າ ພາຍໃນ ກຕສ ເຂົ້າຮ່ວມທັງໝົດ 35 ກວ່າທ່ານ.
:
ຈຸດປະສົງຂອງການຈັດຝຶກອົບຮົມໃນຄັ້ງນີ້, ແມ່ນເພື່ອເພີ່ມຄວາມເຂົ້າໃຈ ແລະ ທັກສະໃຫ້ກັບພະນັກງານລັດ ພາຍໃນ ກຕສ ໄດ້ຮຽນຮູ້ ແລະ ເຂົ້າໃຈລັກສະນະພື້ນຖານຂອງເຕັກໂນໂລຊີປັນຍາປະດິດ, ພາສາໂປຣແກຣມທີ່ນຳໃຊ້ໃນການພັດທະນາບັນດາລະບົບ ແລະ ຊ່ວຍໃຫ້ສາມາດເຂົ້າໃຈເຕັກໂນໂລຊີປະເພດດັ່ງກ່າວໄດ້ດີຂຶ້ນ ແລະ ໃຫ້ທັນກັບການພັດທະນາໃນຍຸກປັດຈຸບັນ, ພ້ອມທັງເປັນການຍົກລະດັບຄວາມຮູ້, ຄວາມສາມາດ ແລະ ທັກສະ ພັດທະນາໂປຣແກຣມ ໃຫ້ກັບພະນັກງານ ຂອງ ກຕສ.
:
ຊຶ່ງການຝືກອົບຮົມດັ່ງກ່າວ ແມ່ນຈັດຂຶ້ນເປັນ 02 ຊຸດຄື: ຊຸດທີ 1 ເລີ່ມແຕ່ວັນທີ 17-24 ກໍລະກົດ 2023 ແລະ ຊຸດທີ 2 ເລີ່ມແຕ່ວັນທີ 02-11 ສິງຫາ 2023 ໂດຍການຮ່ວມມື ລະຫວ່າງ ສູນບໍລິຫານລັດດິຈິຕ໋ອນ ແລະ ສະຖາບັນວິທະຍາສາດ ແລະ ເຕັກໂນໂລຊີ ກວາງໂຈ (Gwangju Institute of Science and Technology (GIST)), ພາຍໃຕ້ການຊ່ວຍເຫຼືອຈາກ ອົງການຂໍ້ມູນຂ່າວສານສັງຄົມແຫ່ງຊາດ (National Information Society Agency (NIA)) ຂອງ ສ. ເກົາຫຼີ ໂດຍພາຍໃຕ້ກິດຈະກຳ World Friend Korea, ກຕສ ໄດ້ຮັບເອົານັກຮຽນມະຫາວິທະຍາໄລມາເປັນອາສາສະໜັກ ຈາກສະຖານບັນ GIST ສ.ເກົາຫຼີ ຈໍານວນ 04 ທ່ານ ເພື່ອເຄື່ອນໄຫວວຽກງານ ຢູ່ ສປປ ລາວ ເປັນເວລາ 01 ເດືອນ. ຊຸດຝຶກອົບໃນຄັ້ງນີ້, ນັກຮຽນຍັງໄດ້ແລກປ່ຽນປະສົບການ ແລະ ບົດຮຽນ ໃນການນໍາໃຊ້ບັນດາເຕັກໂນໂລຊີ ຂອງ ສ.ເກົາຫຼີ , ການຝຶກອົບຮົມແມ່ນເນັ້ນໃຫ້ຜູ້ເຂົ້າຮ່ວມໄດ້ຮຽນຮູ້ ແລະ ນຳໃຊ້ຕົວຈິງ ພ້ອມທັງເປີດໂອກາດໃຫ້ຜູ້ເຂົ້າຮ່ວມໄດ້ສອບຖາມ ແລະ ໄດ້ຈັດກິດຈໍາເພື່ອແລກປ່ຽນວັດທະນາທໍາ ລາວ ແລະ ສ. ເກົາຫຼີ ຮ່ວມກັນ.

ສລດ ສຳມະນາເຜີຍແຜ່ຜົນການປະເມີນດ້ານທັກສະດ້ານດິຈິຕ໋ອນໃຫ້ແກ່ພະນັກງານ-ລັດຖະກອນ ກຕສ
--------------------------------------------------
ສູນບໍລິຫານລັດດິຈິຕ໋ອນ (ສລດ), ກະຊວງ ເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການສະຫະປະຊາຊາດ ເພື່ອການພັດທະນາ (UNDP) ໄດ້ຈັດກອງປະຊຸມສໍາມະນາເຜີຍແຜ່ຜົນການປະເມີນທັກສະດ້ານດິຈິຕ໋ອນໃຫ້ແກ່ພະນັກງານ-ລັດຖະກອນ ກຕສ ໃນຕອນເຊົ້າຂອງວັນທີ 10 ສິງຫາ 2023, ທີ່ຫ້ອງປະຊຸມຊັ້ນ 05 ຂອງ ກະຊວງເຕັກໂນໂລຊີ ແລະ ການສື່ສານ ແບບປະສົມເຄິ່ງອອນລາຍ. ໂດຍການເປັນປະທານຂອງ ທ່ານ ພູຂົງ ຈິດຮູບໂລກ ຄະນະປະຈໍາພັກກະຊວງ, ຫົວໜ້າຫ້ອງການ ກະຊວງເຕັກໂນໂລຊີ ແລະ ການສື່ສານ, ຊຶ່ງມີຜູ້ເຂົ້າຮ່ວມຈາກ ກົມ/ທຽບເທົ່າ ພາຍໃນ ກຕສ, ພະແນກເຕັກໂນໂລຊີ ແລະ ການສື່ສານ (ພຕສ) ແຂວງ/ນະຄອນຫຼວງ ທົ່ວປະເທດ, ຕາງໜ້າຈາກກະຊວງສຶກສາທິການ ແລະ ກິລາ, ຄະນະຮັບຜິດຊອບ, ຊ່ຽວຊານຈາກ ບໍລິສັດທີ່ປຶກສາ Bedev ຈຳກັດ ແລະ ອົງການສະຫະປະຊາຊາດ ເພື່ອການພັດທະນາ (UNDP) ເຂົ້າຮ່ວມລວມທັງໝົດ ຈໍານວນ 60 ກວ່າທ່ານ.
:
ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອລາຍງານຜົນໃນການສໍາຫຼວດ, ສຶກສາ ແລະ ປະເມີນທັກສະດ້ານດິຈິຕ໋ອນ ຂອງພະນັກງານລັດ-ຖະກອນ ພາຍໃນ ກຕສ ແລະ ພຕສ ແຂວງໃນທົ່ວປະເທດ, ຊຶ່ງເປັນວຽກໜຶ່ງທີ່ນອນໃນວຽກການຫັນເປັນລັດຖະບານດິຈິຕ໋ອນທີ່ທັນສະໄໝ ໂດຍການຮ່ວມມືກັນລະຫວ່າງ ກະຊວງເຕັກໂນໂລຊີ ແລະ ການສື່ສານ ແລະ ອົງການສະຫະປະຊາຊາດ ເພື່ອການພັດທະນາ (UNDP) ປະຈໍາລາວ.
:

ພິທີມອບຮັບໃບຢັ້ງຢືນ ການຝຶກອົບຮົມກ່ຽວກັບທັກສະການເປັນຜູ້ປະກອບກິດຈະການດ້ານໄອທີ ສໍາລັບທຸລະກິດໃໝ່, ຂະໜາດນ້ອຍ ແລະ ກາງ ໃນ ສປປ ລາວ (LVTP IT) ປະຈໍາປີ 2023
---------------------------------------------------
ໂຄງການສ້າງສວນອຸທິຍານດິຈິຕ໋ອນ ຢູ່ ສປປ ລາວ ໄດ້ຮັບການຮ່ວມມືລະຫວ່າງ ກະຊວງເຕັກໂນໂລຊີ ແລະ ການສື່ສານ (MTC) ແລະ ກະຊວງສົ່ງເສີມທຸລະກິດຂະໜາດນ້ອຍ, ຂະໜາດກາງ ແລະ ທຸລະກິດໃໝ່ ສ. ເກົາຫຼີ (MSS) ຖືວ່າເປັນໂຄງການບູລິມະສິດສຳຄັນຂອງລັດຖະບານ ເພື່ອສ້າງປະຖົມປັດໄຈພື້ນຖານໃນການສ້າງເສດຖະກິດດິຈິຕ໋ອນ ກໍຄື ການພັດທະນາວຽກງານເຕັກໂນໂລຊີດິຈິຕ໋ອນຂອງລາວ ແລະ ຍັງເປັນໂຄງການທີ່ຈະຊ່ວຍສະໜັບສະໜູນ ຊຸກຍູ້ສົ່ງເສີມພາກຫົວໜ່ວຍທຸລະກິດ ໄອຊີທີ ຢູ່ໃນ ສປປ ລາວ ໃຫ້ສາມາດຂະຫຍາຍການບໍລິການເຂົ້າສູ່ຕະຫຼາດສາກົນ ແລະ ສາມາດແຂ່ງຂັນກັບຕ່າງປະເທດໄດ້ ແລະ ຫຼັກສູດຝຶກອົບຮົມໃນຄັ້ງນີ້ ຖືວ່າເປັນບາດກ້າວໜຶ່ງທີ່ສຳຄັນ ແລະ ນອນໃນໂຄງການສ້າງສວນອຸທິຍານດິຈິຕ໋ອນຢູ່ ສປປ ລາວ.
ພິທີດັ່ງກ່າວ ໄດ້ຈັດຂຶ້ນໃນຕອນເຊົ້າຂອງວັນທີ 9 ສິງຫາ 2023 ນີ້, ທີ່ໂຮງແຮມລາວພຣາຊາ, ນະຄອນຫຼວງວຽງຈັນ. ໃຫ້ກຽດເປັນປະທານກ່າວເປີດພິທີໂດຍ ທ່ານ ແກ້ວນະຄອນ ໄຊສຸລຽນ ຫົວໜ້າກົມເຕັກໂນໂລຊີດິຈິຕ໋ອນ, ກະຊວງເຕັກໂນໂລຊີ ແລະ ການສື່ສານ (ກຕສ) ມີຄະນະກົມ, ຄະນະພະແນກ ພະນັກງານ-ວິຊາການພາຍໃນກົມເຕັກໂນໂລຊີດິຈິຕ໋ອນ, ບັນດານັກຝຶກອົບຮົມ (Advace) ແລະ ບັນດານ້ອງນັກຮຽນ, ນັກສຶກສາເຂົ້າຮ່ວມ.
ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່:
http://mtc.gov.la
http://mtccabinet.gov.la

ອດທ ສໍາເລັດການແລກປ່ຽນບົດຮຽນ ກ່ຽວກັບ ການຈັດການຄຸນນະພາບເຄືອຂ່າຍ ທີ່ປະເທດຍີ່ປຸ່ນ
--------------------------------------------------
ອົງການດັດສົມໂທລະຄົມມະນາຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ຕາງໜ້າລັດຖະບານແຫ່ງ ສປປ ລາວ ຊຶ່ງນໍາໂດຍ ທ່ານ ສຸດໃຈ ລໍລອນສີ ຫົວໜ້າອົງການດັດສົມໂທລະຄົມມະນາຄົມ ພ້ອມດ້ວຍຄະນະຈຳນວນ 05 ທ່ານ ໄດ້ສໍາເລັດການເດີນທາງໄປສຶກສາແລກປ່ຽນບົດຮຽນ ກ່ຽວກັບ ການຈັດການຄຸນນະພາບເຄືອຂ່າຍ ຫຼື Network quality management ໃນລະຫວ່າງວັນທີ 23-29 ກໍລະກົດ 2023, ທີ່ ໂຕກຽວ, ປະເທດ ຍີ່ປຸ່ນ. ຊຶ່ເປັນໂຄງການສຶກສາຄວາມເປັນໄປໄດ້ ພາຍໃຕ້ກອບການຮ່ວມມືຂອງ ອົງການໂທລະຄົມມະນາຄົມ ເອເຊຍ-ປາຊີຟິກ (Asia-Pacific Telecommunity (APT)) ໂດຍການຊ່ວຍເຫຼືອຈາກ ລັດຖະບານຍີ່ປຸ່ນ ແລະ ມອບໃຫ້ ອົງການ ເຄດີດີໄອ ຟາວເດເຊິນ (KDDI Foundation) ເປັນຜູ້ຈັດຕັ້ງປະຕິບັດ ໃນຫົວຂໍ້: “ເພີ່ມທະວີການພັດທະນາ ແລະ ການກວດສອບ ເຄືອຂ່າຍໂທລະຄົມມະນາຄົມ ແລະ ອິນເຕີເນັດ”. ໃນການເດີນທາງໄປສຶກສາແລກປ່ຽນບົດຮຽນໃນຄັ້ງນີ້, ທາງຄະນະຮັບຜິດຊອບໄດ້ຮັບການຕ້ອນຮັບ ແລະ ກ່າວສະແດງຄວາມຍິນດີທີ່ໄດ້ຮ່ວມມືກັບອົງການດັັດສົມໂທລະຄົມມະນາຄົມ ໂດຍ ທ່ານ Dr. Ano SHIGEHIRO ປະທານອົງການ KDDI Foundation ໃນນາມເປັນຄູ່ຮ່ວມມືກັບ ອົງການ APT ເປັນຜູ້ຕ້ອນຮັບ.
:
ຈຸດປະສົງຂອງໂຄງການກໍ່ເພື່ອສຶກສາຄວາມເປັນໄປໄດ້ ໃນການສ້າງເຄືອຂ່າຍ ການບໍລິການໂທລະຄົມມະນາຄົມ ໃຫ້ຮັບປະກັນໄດ້ ຄຸນນະພາບການບໍລິການ ແລະ ຄວາມປອດໄພ (Enhancing the development of telecommunications and internet network dimension and testing systems in service of quality assurance and security (Category I))” ໃນມູນຄ່າ 60,000 ໂດລາ, ໄລຍະການຈັດຕັ້ງປະຕິບັດ 01 ປີ (ປີ 2023- ປີ 2024).
ໃນໂອກາດນີ້, ອົງການດັດສົມໂທລະຄົມມະນາຄົມ ໄດ້ເຂົ້າພົບປະກັບຕາງໜ້າຈາກ ກະຊວງພາຍໃນ ແລະ ການສື່ສານ ຂອງປະເທດຢີ່ປຸ່ນ ໂດຍໄດ້ຮັບການຕ້ອນຮັບຈາກ ທ່ານ Ishida EIJI ຫົວໜ້າຫ້ອງການຍຸດທະສາດທົ່ວໂລກ ໃນການຮ່ວມມືທາງວິຊາການໃນການສົ່ງເສີມໂຄງລ່າງພື້ນຖານດິຈິຕ໋ອນ ພ້ອມດ້ວຍຄະນະ.

ລັດຖະມົນຕີ ກຕສ ຕ້ອນຮັບການເຂົ້າຢ້ຽມຢາມພົບປະຂອງ ຜູ້ຕ່າງໜ້າອົງການສະຫະປະຊາຊາດ ປະຈຳ ສປປ ລາວ (ຜູ້ໃໝ່)
------------------------------------------------
ໃນຕອນບ່າຍຂອງວັນທີ 03 ສິງຫາ 2023 ຜ່ານມາ, ທີ່ຫ້ອງຮັບແຂກ ຂອງ ກະຊວງເຕັກໂນໂລຊີ ແລະ ການສື່ສານ, ທ່ານ ບັນດິດ ສຈ. ບໍ່ວຽງຄຳ ວົງດາລາ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ໄດ້ໃຫ້ກຽດຕ້ອນຮັບການເຂົ້າຢ້ຽມພົບປະ ຂອງ ທ່ານ ນາງ ມາຕິເນີ ເທີເຣີ ຜູ້ຕາງໜ້າ ອົງການສະຫະປະຊາຊາດ ເພື່ອການພັດທະນາ (UNDP) ປະຈຳ ສປປ ລາວ ເນື່ອງໃນໂອກາດມາຮັບໜ້າທີ່ໃໝ່.
:
ໂອກາດດັ່ງກ່າວນີ້, ທ່ານ ລັດຖະມົນຕີ ກໍໄດ້ກ່າວສະແດງຄວາມຍິນດີຕ້ອນຮັບ ແລະ ຊົມເຊີຍຢ່າງຈິງໃຈຕໍ່ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ ປະຈໍາ ສປປ ລາວ ທີ່ໄດ້ຮັບການແຕ່ງຕັ້ງມາຮັບໜ້າທີ່ໃໝ່ໃນຄັ້ງນີ້ ຊຶ່ງສະແດງໃຫ້ເຫັນເຖິງຄວາມສໍາຄັນຂອງຂະແໜງເຕັກໂນໂລຊີ ແລະ ການສື່ສານ ກັບ ອົງການສະຫະປະຊາຊາດ ເພື່ອການພັດທະນາ. ທ່ານຍັງໄດ້ກ່າວໃຫ້ເຫັນກ່ຽວກັບສະພາບການຮ່ວມມື ລະຫວ່າງສອງຝ່າຍ ໂດຍສະເພາະໃນຂົງເຂດບໍລິຫານລັດດິຈິຕ໋ອນ ທີ່ພົ້ນເດັ່ນ ເຊັ່ນ: ກິດຈະກຳ ປະເມີນການເຕີບໃຫຍ່ທາງດິຈິຕ໋ອນ ເປັນການສົ່ງເສີມປະເມີນຄະແນນທາງດ້ານດິຈິຕ໋ອນ (DMA) ໃນແຕ່ລະກະຊວງ ແລະ ແຕ່ລະແຂວງ ເພື່ອຈະຮູ້ວ່າຈຸດໃດທີ່ຄວນຈະພັດທະນາ ແລະ ປັບປຸງ; ປັດຈຸບັນ ກະຊວງເຕັກໂນໂລຊີ ແລະ ການສື່ສານ ກຳລັງຄົ້ນຄວ້າໃນການຮ່າງແຜນແມ່ບົດລັດຖະບານດິຈິຕ໋ອນ ຮ່ວມກັບ ອົງການສະຫະປະຊາຊາດ ເພື່ອການພັດທະນາ ຄາດວ່າຈະສໍາເລັດ ແລະ ນຳສະເໜີຕໍ່ລັດຖະບານໃນເດືອນ ພະຈິກ 2023 ແລະ ຍັງມີທຶນສະໜັບສະໜູນກິດຈະກໍາອື່ນໆອີກ. ພ້ອມນັ້ນ, ທ່ານຍັງໄດ້ແຈ້ງໃຫ້ຊາບກ່ຽວກັບ ບັນດາແຜນການສຳຄັນໃນຕໍ່ໜ້າ ທີ່ເຫັນວ່າ ອົງການສະຫະປະຊາຊາດ ເພື່ອການພັດທະນາ ອາດຈະສາມາດ ຮ່ວມມືໄດ້ ເປັນຕົ້ນແມ່ນ ແຜນການຫັນເປັນດິຈິຕ໋ອນແຫ່ງຊາດ, ວິໄສທັດການພັດທະນາເສດຖະກິດດິຈິຕ໋ອນ ແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາເສດຖະກິດດິຈິຕ໋ອນ ແຫ່ງຊາດ ໄລຍະ 10 ປີ (2021-2030), ແຜນພັດທະນາເສດຖະກິດດິຈິຕ໋ອນ ແຫ່ງຊາດ ໄລຍະ 5 ປີ (2021-2025).

-------------------------------------
ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່:
http://mtc.gov.la
http://mtccabinet.gov.la

ພາຍຫຼັງລໍຄອຍມາ2ເດືອນກວ່າ ເພຶ່ອລໍຖ້າເບີ່ງການທົດລອງປູກພືດໄຊໂກະຢູ່2ເມືອງຄື: ວຽງໄຊ ແລະ ຊໍາເໜືອ ພ້ອມທັງລົງມືແກ້ໄຂບັນຫາໃນເຂດທີ່ບໍ່ທັນໄດ້ຜົນເທົ່າທີ່ຄວນ.

ສະໄໝນີ້ຫາເບິງໄດ້ຢາກກະກ້ຽງ
ບ້ານນອກເທົານັ້ນເຂົາໄຈ

ວັນທີ 9 ສິງຫາ 2023, ຄະນະພົວພັນຕ່າງປະເທດສູນກາງພັກ (ຄຕພ) ຈັດພິທີສະເຫຼີມສະຫຼອງວັນສ້າງຕັ້ງຄະນະພົວພັນຕ່າງປະເທດສູນກາງພັກ ຄົບຮອບ 40 ປີ (29/6/1983-29/6/2023) ພາຍໃຕ້ການເປັນປະທານ ຂອງ ທ່ານ ທອງສະຫວັນ ພົມວິຫານ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າຄະນະພົວ ພັນຕ່າງປະເທດສູນກາງພັກ, ໂດຍການໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ....
#ອ່ານເນື້ອໃນທີ່ລີ້ງ>>>
https://www.laophattananews.com/archives/168604
#ຂ່າວພາຍໃນລາວພັດທະນາ #ປະທານປະເທດ #ວັນສ້າງຕັ້ງຄະນະພົວພັນຕ່າງປະເທດສູນກາງພັກ
_______@_______
ສະໜັບສະໜູນຂ່າວໂດຍ:
ສຸວັນນີ ໂຮມເຊັນເຕີ ໂທ: 021 561111
_______@_______
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://twitter.com/laophattana
Instagram: https://www.instagram.com/lao_phattana_news/
Tiktok: https://www.tiktok.com/@laophattana_news
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

ກອງປະຊຸມລະດົມຄວາມຄິດການອອກບັດຄົນພິການຂອບເຂດທົວປະເທດ...