ໃນຕອນເຊົ້າວັນສຸກ,ວັນທີ່20/10/2023 ທາງຄະນະສະພາການຄ້າແລະອຸດສາຫະກຳແຂວງຫົວພັນ, ສະມາຄົມນັກທຸລະກິດໜຸ່ມແຂວງຫົວພັນ ໄດ້ເຂົ້າຮ່ວມພິທີເປີດງານບຸນຊ່ວງເຮືອ ປະຈໍາປີ2023 ແລະ ພ້ອມທັງເຂົ້າຮ່ວມເປັນທີມເປີດໜ້ານໍ້າເຮືອຊ່ວງ ຮ່ວມກັບການນໍາແຂວງ,ເມືອງຊໍາເໜືອ ເຊີ່ງໄດ້ຈັດຂຶ້ນຢູ່ທີ່ອ່າງນໍ້າຂັງຫ້ວຍແໝນ,ເມືອງຊໍາເໜືອ,ແຂວງຫົວພັນ.

ສະພາການຄ້າ ແລະ ອຸດສາຫະກຳແຂວງຫົວພັນ ໄດ້ເຂົ້າຮ່ວມກອງປະຊຸມ ປຶກສາຫາລື ກ່ຽວກັບການເກັບຊື້ລາຄາໝາກເກົ່າ. ເຊີ່ງກອງປະຊຸມໄດ້ຈັດຂຶ້ນໃນເວລາຕອນເຊົ້າ 3/10/2023 ທີ່ຫ້ອງປະຊຸມ ຫ້ອງວ່າການປົກຄອງ ແຂວງຫົວພັນ.

ຕອນເຊົ້າ,ວັນຈັນ 2/10/2023 ອົງການກາແດງແຂວງຫົວພັນ,ສະພາການຄ້າແລະອຸດສາຫະກຳແຂວງ,ບໍລິສັດຢູ່ນີ້ຄອບຟີ ໄດ້ຮ່ວມກັນຈັດພິທີຮັບບໍລິຈາກເລືອດ ເນື່ອງໃນໂອກາດວັນກາເຟໂລກ ຢູ່ທີ່ເດີ່ນຫນ່ວຍແກ້ວຫຼັກເມືອງ ໂດຍການເປັນປະທານພິທີຮ່ວມຂອງທ່ານ ຄໍາແກ້ວ ອຸ່ນອານົງນຸດ ຄະນະບໍລິຫານງານຊາວໜຸ່ມແຂວງ,ປະທານທີ່ປຶກສາສະມາຄົມນັກທຸລະກິດໜຸ່ມແຂວງ,ປະທານສະພາການຄ້າແລະອຸດສາຫະກຳແຂວງຫົວພັນ, ອຳນວຍການບໍລິສັດພັດທະນາຊຸມຊົນຈໍາກັດ, ອຳນວຍການໂຮງຮຽນແກ້ວປັນຍາ, ທ່ານ ນາງ ທີວັນ ເທບພະວົງ ຮອງຫົວໜ້າອົງການກາແດງແຂວງຫົວພັນ, ທ່ານ ໄທເລີ ແກນ ຄະນະສະພາການຄ້າ ແລະ ອຳນວຍການບໍລິສັດຢູ່ນີ້ຄອບຟີ ພ້ອມດ້ວຍທີມງານພະນັກງານ,ຄູອາຈານ,ແລະ ນ້ອງໆນັກຮຽນເຂົ້າຮ່ວມພິທີດັ່ງກ່າວ ເພຶ່ອສ້າງບຸນກຸສົນອັນຍີ່ງໃຫ່ຍເພຶ່ອຊ່ວຍຊິວິດຄົນ ທີ່ຂາດເລືອດ.

ໃນຕອນເຊົ້າ,ວັນທີ່29/9/2023 ທາງສະພາການຄ້າ ແລະ ອຸດສາຫະກຳ ແຂວງຫົວພັນ ໄດ້ຕ້ອນຮັບ ແລະ ພົບປະແລກປ່ຽນວຽກງານກັບ ທ່ານ ບຸນຈັນ ໄຊເກີຢາຈົງຕົວ ປະທານບໍລິສັດ ໝາກເກົ່າລາວ ທີ່ໄດ້ມາລົງທຶນໝາກເກົ່າຢູ່ໃນແຂວງຫົວພັນ.

ທ່ານ ທິນະກອນ ສະມາຊິກ ສະພາການຄ້າແລະອຸດສາຫະກຳແຂວງຫົວພັນ ໄດ້ເຂົ້າຮ່ວມກອງປະຊຸມ ສະຫລຸບວຽກງານ ຂອງໂຮງຮຽນເຕັກນິກວິຊາຊີບ ແບບປະສົມແຂວງຫົວພັນ ຢູ່ທີ່ເມືອງວຽງໄຊ.

ສະພາການຄ້າ ແລະ ອຸດສາຫະກຳ ແຂວງຫົວພັນ(ສຄອ) ຂໍເຊີນຊວນທຸກທ່ານ ມາຮ່ວມການບໍລິຈາກເລືອດ ເພຶ່ອໃຫ້ຊິວິດ. ພິທີດັ່ງກ່າວຈະໄດ້ຈັດຂື້ນໃນວັນອັງຄານ,ວັນທີ່2/10/2023 ເລີ່ມເວລາ 8.30 - 4.30 ທີ່ເດີ່ນໜ່ວຍແກ້ວຫຼັກເມືອງ,ບ້ານພັນໄຊ,ເມືອງຊໍາເໜືອ,ແຂວງຫົວພັນ ແລະ ພວກເຮົາເລີ່ມໃຫ້ລົງທະບຽນລ່ວງໜ້າໄດ້ ຢູ່ທີ່ຮ້ານຢູ່ນີ້ຄອບຟີ...ລາຍລະອຽດອ່ານຕາມPoster ຂ້າງລຸ່ມ.

ທ່ານພູທອງ ພົນວິໄຊ ຮອງປະທານ ສະພາການຄ້າແຂວງຫົວພັນ ໄປເຂົ້າຮ່ວມງານຖະແຫຼງເປີດໂຕ "ໂຄງການສຶກສາ ແລະ ພັດທະນາຍຸດທະສາດຄວາມຮ່ວມມື ລະບຽງເສດຖະກິດ ຈີນ-ລາວ-ໄທ; ລະບຽງເສດຖະກິດພິເສດພາກຕາເວັນອອກສ່ຽງເໜືອ - The Studies and Development of China -Laos - Thailand Economic Corridor Strategic: Northeastern Economic Corridor: NeEC Research Project” ທີ່ແຂວງຂອນແກ່ນ ປະເທດໄທ, ເຊິ່ງຈັດໂດຍ ໂຮງຮຽນມະຫາວິທະຍາໄລຂອນແກ່ນ.
ເຊິ່ງມີຫົວຂໍ້ທີ່ສຳຄັນ ແລະ ໜ້າສົນໃຈຫຼາຍຫົວຂໍ້ທີ່ຈະເປັນຜົນດີ ແລະ ເປັນໂອກາດອັນດີໃຫ້ກັບນັກທຸລະກິດທັງສາມຝ່າຍ ໂດຍສະເພາະແມ່ນ SME ພວກເຮົາ.

ສະພາການຄ້າ ແລະ ອຸດສາຫະກຳການຄ້າ ແຂວງຫົວພັນ ຂໍສະແດງຄວາມຍິນດີ ນໍາບໍລິສັດໄຊຮຸ່ງເຮືອງ ພັດທະນາຄົບວົງຈອນ ຈໍາກັດຜູ້ດຽວ ອຳນວຍການບໍລິສັດໂດຍທ່ານ ທະນູໄຊ ວິໄລທຳມະວົງ ທີ່ໄດ້ສໍາເລັດພິທີເຊັນສັນຍາການລົງທຶນຂຸດຄົ້ນແລະປຸງແຕ່ງແຮ່ອະໂລຫະສໍາລັບອຸດສາຫະກຳ(ຫີນປາໂກໄດ) ຢູ່ບ້ານປ່າຈ່າ,ເມືອງຊໍາເໜືອ,ແຂວງຫົວພັນ....ເຊີ່ງໂຄງການນີ້ເປັນໂຄງການທີ່2 ທີ່ທາງບໍລິສັດ ໄດ້ຮັບອະນຸຍາດຈາກແຂວງ ໃຫ້ລົງທຶນ ໃນການຂຸດຄົ້ນ ແລະ ປຸງແຕ່ງ ເປັນສິນຄ້າ.

ໃນຕອນບ່າຍຂອງວັນຈັນ,ວັນທີ່18/9/2023 ທ່ານ ເລຂາທິການສະພາການຄ້າ ແລະ ອຸດສາຫະກຳ ແຂວງຫົວພັນ ໄດ້ຕ້ອນຮັບ ແລະ ປຶກສາຫາລືກັບທ່ານ ຄໍາສິງ ຮອງປະທານສະມາຄົມນັກທຸລະກິດໜຸ່ມແຂວງຫຼວງພະບາງ ກ່ຽວກັບການຊອກຫາຕະຫຼາດ ເພຶ່ອເປັນຕົວແທນຈໍາໜ່າຍກະເບື້ອງ ແລະ ຊີມັງ ຢູ່ໃນແຂວງຫົວພັນ....ເຊີ່ງການພົບປະກັນໃນຄັ້ງນີ້ ໄດ້ຈັດຂຶ້ນທີ່ໂຮງແຮມ ພອນຈະເລີນ,ບ້ານພັນໄຊ.

ໃນວັນທີ 15 ກັນຍາ 2023, ທ່ານພູທອງ ພົນວິໄຊ ຮອງປະທານ ສະພາການຄ້າ ແຂວງຫົວພັນ ໄດ້ເຂົ້າຮ່ວມງານເປີດໂຕ ມາດຕະຖານການທ່ອງທ່ຽວ ສປປ ລາວ ທີ່ໂຮງແຮມລາວ ພລາຊາ ເຊິ່ງຈັດໂດຍກົມພັດທະນາການທ່ອງທ່ຽວ ແລະ ກົມຄຸ້ມຄອງການທ່ອງທ່ຽວ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເຊິ່ງມີແຂກທີ່ເຂົ້າຮ່ວມ ໂດຍມາຈາກຄະນະນຳຂອງກະຊວງ ຖວທ ແລະ ຈາກຫຼາກຫຼາຍພາກສ່ວນທັງພາຍໃນ ແລະ ຕ່າງຕ່າງປະເທດ...