ແຂ່ງຂັນການແຮັກຂໍ້ມູນຂ່າວສານ ໃນລະບົບຄອມພິວເຕີ ------------------------------------ ກົມຄວາມປອດໄພທາງໄຊເບີ, ກະຊວງເຕັກໂນໂລຊີ ແລະ ການສື່ສານ ຮ່ວມກັບ ບໍລິສັດ ໄຊເບີຣັດ ຈໍາກັດຜູ້ດຽວ ຈັດການແຂ່ງຂັນແຮັກຂໍ້ມູນຂ່າວສານໃນລະບົບຄອມພິວ ອາຊຽນ ຄັ້ງທີ 1 (The 1st ASEAN Cyber Shield (ACS) Hacking Contest) ໃນວັນທີ 14 ກັນຍາ 2023 ທີ່ ໂຮງແຮມ ເມືອງແທ່ງ, ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຄຳຫຼ້າ ສູນນະລັດ, ຫົວໜ້າກົມຄວາມປອດໄພທາງໄຊເບີ, ມີບັນດາຜູ້ສະໜັບສະໜູນ, ຕາງໜ້າຈາກພາກສ່ວນກ່ຽວຂ້ອງ ແລະ ຜູ້ແຂ່ງຂັນເຂົ້າຮ່ວມ. : ຈຸດປະສົງຂອງການຈັດເເຂ່ງຂັນໃນຄັ້ງນີ້ແມ່ນເພື່ອເປັນການສົ່ງເສີມທັກສະຄວາມຮູ້, ສ້າງຄວາມເຂັ້ມເເຂງດ້ານເຕັກນິກວິທີການໃນການຕ້ານ ແລະ ສະກັດກັ້ນໄພຄຸກຄາມທາງໄຊເບີ ທີ່ນັບມື້ນັບມີຄວາມສະຫຼັບຊັບຊ້ອນຕາມການຂະຫຍາຍຕົວຂອງເຕັກໂນໂລຊີດິຈິຕອນ. ນອກນີ້, ກໍເພື່ອແນ່ໃສ່ແບ່ງປັນຄວາມຮູ້ ແລະ ປະສົບການດ້ານຄວາມປອດໄພທາງໄຊເບີ, ສ້າງປະສົບການ ແລະ ການເຮັດວຽກເປັນທີມ ໃນການຮັກສາຄວາມປອດໄພຂອງລະບົບຂໍ້ມູນຂ່າວສານ ໃຫ້ນັກສຶກສາ ແລະ ວິຊາການໄດ້ຮຽນຮູ້ວິທີການປ້ອງກັນ, ການໂຈມຕີ ແລະ ໃຫ້ເຂົ້າໃຈເຖິງຄວາມສໍາຄັນຂອງການປົກປ້ອງລະບົບຂໍ້ມູນທາງຄອມພິວເຕີໃຫ້ຫຼາຍຂຶ້ນ. ຊຶ່ງພື້ນຖານດ້ານເຕັກນິກດັ່ງກ່າວ ຈະຊ່ວຍໃຫ້ຜູ້ເເຂ່ງຂັນເຂົ້າໃຈເຖິງວິທີການຄົ້ນຫາ ແລະ ການປ້ອງກັນລະບົບຂໍ້ມູນຂ່າວສານທາງຄອມພິວເຕີ ທັງຂອງບຸກຄົນ ຫຼື ອົງກອນ ໃຫ້ມີຄວາມປອດໄພ ແລະ ນຳໃຊ້ເຂົ້າໃນວຽກງານຕົວຈິງໃຫ້ເກີດ ຜົນປະໂຫຍດສູງສຸດ. : ນອກນີ້, ການຈັດການແຂ່ງຂັນໃນຄັ້ງນີ້ ແມ່ນເພື່ອຄັດເລືອກເອົາທີມທີ່ຊະນະ ຈຳນວນ 04 ທີມ, ທີມລະ 04 ທ່ານ ລວມທັງໝົດ 16 ທ່ານ ຈາກ ສະຖາບັນການສຶກສາ ແລະ ພະນັກງານທີ່ກ່ຽວຂ້ອງ (02 ທີມ ຈາກສະຖາບັນການສຶກສາ ແລະ ອີກ 02 ທີມ ສໍາລັບພະນັກງານ) ເພື່ອເປັນຕົວແທນ ສປປ ລາວ ເຂົ້າຮ່ວມການແຂ່ງຂັນ ແຮັກຂໍ້ມູນຂ່າວສານ ໃນລະບົບຄອມພິວເຕີ ອາຊຽນ ຄັ້ງທີ 01 ໃນລະຫວ່າງວັນທີ 20-25 ພະຈິກ 2023 ທີ່ ນະຄອນຫຼວງ ຈາກາຕາ, ປະເທດ ອິນໂດເນເຊຍ ຊຶ່ງເປັນການສະໜັບສະໜູນໂດຍອົງການ KISA ສ. ເກົາຫຼີ ພາຍໃຕ້ຂອບການຮ່ວມມື ASEAN-Korea. : ສຳລັບຜົນການແຂ່ງຂັນຄັ້ງນີ້ ທີມຊະນະເລີດແມ່ນທີມ ໜອນນ້ອຍ 4 ໂຕ ແລະ ທີມອັນດັບທີ 2 ແມ່ນທີມ oneday. ----------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ລົງນາມການຮ່ວມມືຫັນເປັນດິຈິຕອນ ໃນວຽກງານໂຄສະນາອົບຮົມ ແລະ ວຽກງານພັດທະນາຄື້ນຄວາມຖີ່ວິທະຍຸສື່ສານ -------------------------------------------- ກະຊວງເຕັກໂນໂລຊີ ແລະ ການສື່ສານ (ກຕສ) ແລະ ຄະນະໂຄສະນາອົບຮົມສູນກາງພັກ (ຄອສພ) ກັບ ໄດ້ຮ່ວມກັນລົງນາມເພື່ອເຊັນບົດບັນທຶກຄວາມເຂົ້າໃຈ (MOU) ວ່າດ້ວຍ ການຮ່ວມມືຫັນເປັນດິຈິຕອນ ໃນວຽກງານໂຄສະນາອົບຮົມ ໃນຕອນແລງວັນທີ 14 ກັນຍາ 2023 ໂດຍການລົງນາມລະຫວ່າງ ທ່ານ ຄໍາພັນ ເຜີຍຍະວົງ, ເລຂາທິການສູນກາງພັກ, ຫົວໜ້າ ຄອສພ, ປະທານສະພາທິດສະດີສູນກາງພັກ ແລະ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະການສູນກາງພັກ, ລັດຖະມົນຕີ ກຕສ, ມີບັນດາທ່ານຮອງລັດຖະມົນຕີ ກຕສ, ທ່ານຮອງຫົວໜ້າ ຄອສພ, ບັນດາທ່ານຈາກພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ. : ໃນພິທີ, ທ່ານ ທະວີສັກ ມະໂນທັມ, ຫົວໜ້າສູນບໍລິຫານລັດດິຈິຕອນ ກຕສ ໄດ້ຂຶ້ນລາຍງານກ່ຽວກັບໂຄງການຮ່ວມມືການຫັນເປັນດິຈິຕອນໃນວຽກງານໂຄສະນາອົບຮົມ ວ່າ: ເພື່ອຫັນວຽກງານບໍລິຫານພາຍໃນ ແລະ ສົ່ງເສີມວຽກງານໂຄສະນາອົບຮົມ ໃຫ້ກວ້າງຂວາງທົ່ວປະເທດ ການຫັນວຽກງານໂຄສະນາອົບຮົມເປັນທັນສະໄໝ ແລະ ເປັນຕົວຢ່າງໃຫ້ບັນດາອົງການຈັດຕັ້ງພັກ-ລັດ ໃນການຫັນເປັນທັນສະໄໝແບບດິຈິຕອນ ແມ່ນມີຄວາມຕ້ອງການເພີ່ມຂຶ້ນ. ດັ່ງນັ້ນ, ສອງຝ່າຍ ຈຶ່ງໄດ້ຕົກລົງເຫັນດີໃນການເຊັນ MOU ຄັ້ງນີ້ ເພື່ອເປັນບ່ອນອີງໃນການຮ່ວມມືຄົ້ນຄວ້າ, ແລກປ່ຽນບົດຮຽນ, ພັດທະນາ ແລະ ນໍາໃຊ້ເຄື່ອງມືດິຈິຕອນ ເພື່ອຫັນວຽກງານໂຄສະນາອົບຮົມໃຫ້ເປັນທັນສະໄໝ ເທື່ອລະກ້າວ ຊຶ່ງຂອບເຂດການຮ່ວມມື ປະກອບມີຄື: 1). ຮ່ວມມືກັນຫັນເປັນດິຈິຕອນ ວຽກງານການບໍລິຫານຫ້ອງການຂອງ ຄອສພ ໃຫ້ເປັນທັນສະໄໝ; 2). ຮ່ວມມືກັນນໍາໃຊ້ເຄື່ອງມືດິຈິຕອນເຂົ້າໃນວຽກງານໂຄສະນາອົບຮົມ, ເຜີຍແຜ່ນະໂຍບາຍ ແລະ ຂໍ້ມູນຂ່າວສານຕ່າງໆ ໃນຂອບເຂດທົົ່ວປະເທດ; 3). ເພີ່ມທະວີການຮ່ວມມືຍົກລະດັບຄວາມຮູ້ຄວາມສາມາດຂອງພະນັກງານລັດຖະກອນ, ແລກປ່ຽນຂໍ້ມູນຂ່າວສານ, ປະສົບການ, ກອງປະຊຸມປຶກສາຫາລື, ສໍາມະນາ, ຝຶກອົບຮົມ ແລະ ອື່ນໆ. ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ກອງປະຊຸມຄົບຄະນະຂອງຄະນະບໍລິຫານງານ ສະຫະພັນກຳມະບານ ກະຊວງເຕັກໂນໂລຊີ ແລະ ການສື່ສານ ສະໄໝທີ III ---------------------------------- ສະຫະພັນກຳມະບານ ກະຊວງເຕັກໂນໂລຊີ ແລະ ການສື່ສານ(ກຕສ) ໄດ້ຈັດກອງປະຊຸມຄົບຄະນະບໍລິຫານງານກາງສະໄໝຂອງສະຫະພັນກຳມະບານ ສະໄໝທີ III ແລະ ກອງປະຊຸມສະຫຼຸບວຽກງານສະຫະພັນກຳມະບານ ກຕສ ປະຈຳປີ 2023 ແລະ ທິດທາງແຜນການປະຈຳປີ 2024 ໃນຕອນເຊົ້າວັນທີ 14 ກັນຍາ 2023, ໂດຍໃຫ້ກຽດເຂົ້າເປັນປະທານຮ່ວມຂອງສະຫາຍ ນາງ ອາລີ ວົງໜໍ່ບຸນທຳ, ກຳມະການສູນກາງພັກ, ປະທານຄະນະບໍລິຫານງານ ສູນກາງສະຫະພັນກໍາມະບານລາວ ແລະ ສະຫາຍ ປອ. ສັນຕິສຸກ ສິມມາລາລົງ, ຮອງເລຂາຄະນະພັກກະຊວງ, ຮອງລັດຖະມົນຕີ ກຕສ ແລະ ສະຫາຍ ສຸດໃຈ ພິມມະສີ, ປະທານສະຫະພັນກຳມະບານ ກຕສ, ມີຄະນະບໍລິຫານງານສະຫະພັນກຳມະບານ ກຕສ, ກໍາມະບານຮາກຖານ, ເລຂາໜ່ວຍພັກຫ້ອງການ, ກົມ, ສະຖາບັນ, ສູນ, ອົງການ, ພ້ອມດ້ວຍບັນດາແຂກ ແລະ ບັນດາສະມາຊິກ ກໍາມະບານເຂົ້າຮ່ວມ. : ຈຸດປະສົງຂອງການຈັດກອງປະຊຸມໃນຄັ້ງນີ້ ແມ່ນເພື່ອຕີລາຄາທົບທວນຄືນການນຳພາລວມຂອງຄະນະບໍລິຫານງານ ສະຫະພັນກຳມະບານລາວ ກຕສ ໃນການຈັດຕັ້ງປະຕິບັດບັນດາທິດທາງ, ຄາດໝາຍ ທີ່ກອງປະຊຸມໃຫຍ່ຄັ້ງທີ 3 ແລະ ມະຕິກອງປະຊຸມໃຫຍ່ຜູ້ແທນກຳມະບານທົ່ວປະເທດຄັ້ງທີ VII ກຳນົດໄວ້ ເພື່ອຕີລາຄາຜົນສຳເລັດ, ຂໍ້ຄົງຄ້າງ ໃນການສືບຕໍ່ປະຕິບັດໃຫ້ບັນລຸຕາມແຜນ, ກວດກາຄືນຄວາມຮັບຜິດຊອບທາງດ້ານການເມືອງຂອງຄະນະບໍລິຫານງານ, ຄວາມຮັບຜິດຊອບຂອງບຸກຄົນໃນຄະນະບໍລິຫານງານ ຊອກໃຫ້ເຫັນດ້ານຕັ້ງໜ້າສືບຕໍ່ເສີມຂະຫຍາຍ ດ້ານຂໍ້ຄົງຄ້າງທີ່ຈະປັບປຸງແກ້ໄຂ ແລະ ຄວາມເປັນແບບຢ່າງໃນການນຳພາ.

ຄັກແບບນີ້...

ໃນຕອນບ່າຍຂອງວັນຈັນ,ວັນທີ່18/9/2023 ທ່ານ ເລຂາທິການສະພາການຄ້າ ແລະ ອຸດສາຫະກຳ ແຂວງຫົວພັນ ໄດ້ຕ້ອນຮັບ ແລະ ປຶກສາຫາລືກັບທ່ານ ຄໍາສິງ ຮອງປະທານສະມາຄົມນັກທຸລະກິດໜຸ່ມແຂວງຫຼວງພະບາງ ກ່ຽວກັບການຊອກຫາຕະຫຼາດ ເພຶ່ອເປັນຕົວແທນຈໍາໜ່າຍກະເບື້ອງ ແລະ ຊີມັງ ຢູ່ໃນແຂວງຫົວພັນ....ເຊີ່ງການພົບປະກັນໃນຄັ້ງນີ້ ໄດ້ຈັດຂຶ້ນທີ່ໂຮງແຮມ ພອນຈະເລີນ,ບ້ານພັນໄຊ.

ຂ້າຖີ້ມ

ເວລາເປັງສິ່ງສຳຄັນສະນັ້ນຄວນແບງເວລາໃຫ້ຖືກ

🫡 ການມີເປົ້າໝາຍແມ່ນສິ່ງທີ່ດີ... 🫡 ການຍາກໄດ້ຍາກມີແມ່ນເປັນສິ່ງທີ່ດີ... 🫡 ການທະເຍີທະຍານແມ່ນເປັນສິ່ງທີ່ດີ... ສິ່ງທີ່ດີ ບໍ່ມີຈຸດສິ້ນສຸດ ຫຼື ພຽງພໍ ແລະ ບາງຄັ້ງສິ່ງທີ່ດີ ເກີນໄປ ອາດຈະສ້າງພາລະ ຫຼື ທຳລາຍໂຕເຮົາເອງກໍ່ໄດ້ 🫀 ບາງຄັ້ງ ການທີ່ເຮົາເບິ່ງໄປທາງຫຼັງ, ເບິ່ງສິ່ງທີ່ເຮົາຜ່ານມາ... ບາງທີເຮົາອາດຈະເຫັນວ່າ ເຮົາມາໄກຊຳໃດແລ້ວ.